មនុស្ស ៣៧នាក់ស្លាប់ក្នុងការវាយប្រហារនៅអ៊ីរ៉ាក់
សារព័ត៌មាន Cambodia News/
អ៊ីរ៉ាក់(០១ មិនា ២០១៤)៖ កាលពី ថ្ងៃទី២៧ ខែកុម្ភៈ យ៉ាងហោចណាស់ មានមនុស្ស ៣៧នាក់ទៀតហើយបានស្លាប់បាត់បង់ជីវិត និងជាច្រើននាក់ផ្សេងទៀត រងរបួស នៅក្នុងការវាយប្រហារពីពួកសកម្មប្រយុទ្ធនៅតំបន់ Mishahada ស្ថិតនៅភាគខាងជើងទីក្រុងបាដាដ។
ចំណែក ឯសកម្មភាពវាយប្រហាររបស់ក្រុមសកម្មប្រយុទ្ធនេះមានដូចជា ការបំផ្ទុះគ្រាប់បែកនៅក្នុងរថយន្ត និងតាមដងផ្លូវជាដើម ហើយក្រុមសកម្មប្រយុទ្ធទាំងនោះត្រូវបានគេដឹងថា ជាក្រុមជនជាតិភាគតិច jihadists ដ៏មានឥទ្ធិពលនៅរដ្ឋអ៊ីស្លាម និងរដ្ឋ Levant នៅប្រទេសអ៊ីរ៉ាក់។
ការវាយប្រហារយ៉ាងអនាធិបតេយ្យនៅប្រទេសអ៊ីរ៉ាក់នេះ ត្រូវបានប្រធានាធិបតីប្រទេសអ៊ីរ៉ាក់លោក Nuri al-Maliki ចោទប្រកាន់លើក្រុមស៊ុននី និងអារ៉ាប៊ីសាអូឌីត ដែលស្ថិតនៅតំបន់ភាគខាងត្បូងប្រទេសអ៊ីរ៉ាក់ ថាជាអ្នកជួយជំរុញដល់សកម្មភាពវាយប្រហាររបស់ក្រុមជនជាតិ ភាគតិច jihadist ដ៏មានអំណាច និងកំពុងតែរស់នៅក្នុងប្រទេសអ៊ីរ៉ាក់។
ជាទូទៅការវាយប្រហារ កើតចេញពីក្រុមសកម្មប្រយុទ្ធអ៊ីរ៉ាក់ ដែលមិនពេញចិត្តទាល់តែសោះ ចំពោះការីករាលដាលនៃជនជាតិភាគតិចស៊ុននី និងអារ៉ាប់។ មិនពេញចិត្តដោយសារតែក្រុមសកម្មប្រយុទ្ធអ៊ីរ៉ាក់យល់ថា ពួកគេជាចំណែកបង្កភាពវឹកវរធ្វើឲ្យប្រទេសអសន្តិសុខ ប្រឈមនឹងការបង្ហូរឈាម ឥតឈប់ឈរដោយសារតែសង្គ្រាមស៊ីវិល៕