ជឿតាមគ្រូខ្មែរយកកូនស្រីទៅដុតទាំងរស់
Cambodia News
កំពង់ស្ពឺ ៖ ឈានចូលដល់ សម័យកុំព្យូទ័រទៅហើយ នៅតែមានអ្នកជឿ លើគ្រូបុរាណខ្មែរ ទាំងងងឹតងងល់ទៀត សូម្បីតែគ្រូឱ្យយកកូនស្រី ទៅដុតទាំងរស់ ដើម្បីបណ្តេញ ខ្មោចព្រាយបិសាចនៅក្នុងខ្លួន ក៏យល់ព្រមឱ្យលោកគ្រូរូបនោះយក ធូបដុតឆេះសន្ធោសន្ធៅរហូតសន្លប់ ឈឹង ទើបដឹកយកទៅព្យាបាល នៅមន្ទីរពេទ្យ ។
ហេតុការណ៍មិនគួរឱ្យ កើតមាននេះបានកើតឡើងកាលពីវេលាម៉ោង៨យប់ ថ្ងៃទី១៤ ឧសភា នៅផ្ទះលោកគ្រូពៅកូននាគចូល ស្ថិតក្នុងភូមិប្រវឹកពង ឃុំព្រះស្រែ ស្រុកឧដុង្គ ។
បើតាមសម្តីរបស់ឈ្មោះនង សុភី ភេទស្រី អាយុ៣៥ឆ្នាំ មានទីលំនៅភូមិផ្សារដែក ឃុំផ្សារដែក ស្រុកពញាឮ ខេត្តកណ្តាល ត្រូវជាបងថ្លៃរបស់នារី រងគ្រោះបានឱ្យដឹងថា នារីរងគ្រោះមានឈ្មោះអូ សារ៉េត អាយុ២៨ឆ្នាំ នាងមានជំងឺភ្លេចភ្លាំងម្តងៗ។
ស្ត្រីជាបងថ្លៃបានឱ្យដឹងថា កន្លងមកថ្មីៗនេះម្តាយក្មេក ត្រូវជាម្តាយរបស់នារីរងគ្រោះ បានទៅហូបការបងប្អូននៅភូមិកើតហេតុខាងលើ ហើយបានឮគេល្បីពីបារមី ខ្លាំងពូកែរបស់លោកគ្រូពៅកូននាគចូល ដែលទើបនឹងចូលរូប កាលពីចូលឆ្នាំប្រពៃណីកន្លងមក ល្បីថាពូកែស័ក្តិសិទ្ធិណាស់ ។ លុះពេលគាត់ត្រឡប់មកពីការនោះវិញបានលួចយក កូនស្រីរបស់គាត់ទៅឱ្យ គ្រូពៅកូននាគចូលនោះព្យាបាល ដោយមិនឱ្យអ្នកណាម្នាក់ដឹងទេ ៕
