បុរសម្នាក់ស្លាប់ ដោយសារជិះម៉ូតូទៅបុកគូទរថយន្តចតនៅស្ងៀម
Cambodia News
ហេង នាង
ភ្នំពេញ ៖ កាលពីវេលាម៉ោង ២១ នឹង ២០ នាទីយប់ថ្ងៃទី ២៧ ខែឧសភា បុរសម្នាក់ស្រវឹងស្រា ជិះម៉ូតូជ្រុលទៅបុកគូទរថយន្តដឹកដី ចតនៅស្ងៀម បណ្តាលឲ្យស្លាប់ភ្លាមៗនៅនឹងកន្លែងកើតហេតុ នៅចំណុចមុខហាងតារិន ភូមិព្រៃវែងខាងកើត សង្កាត់ព្រៃវែង ខណ្ឌដង្កោ ។
បុរសដែលស្លាប់ក្នុងហេតុការណ៍ ខាងលើមានឈ្មោះ សួន រិទ្ធ ភេទប្រុស អាយុ ៥៥ ឆ្នាំ ស្នាក់នៅភូមិសំបួរ សង្កាត់ដង្កោ ខណ្ឌដង្កោ ។
សាក្សីដែលបានឃើញហេតុការណ៍បានឲ្យដឹងថា មុនពេលកើតហេតុ គេបានឃើញបុរសរងគ្រោះជិះម៉ូតូមួយគ្រឿងម៉ាកសង់ចិន ពណ៌ខ្មៅ ពាក់ស្លាក ញ-១៣២៣-ភព១ ធ្វើដំណើរតាមបណ្តោយផ្លូវព្រៃស ក្នុងទិសដៅពីលិចទៅកើត បំណងត្រឡប់ទៅផ្ទះនៅសង្កាត់ដង្កោ ខណ្ឌដង្កោ ខណៈមកដល់ចំណុចកើតហេតុខាងលើ ស្រាប់តែរេចង្កូត បុកគូទរថយន្តហ៊ីយ៉ានដាយដែលចតស្ងៀមពេញទំហឹង បណ្តាលឲ្យបុរសរងគ្រោះបោកក្បាលស្លាប់ភ្លាមៗនៅនឹងកន្លែងកើតហេតុ ។
ក្រោយពេលកើហេតុ សាកសពត្រូវបានសមត្ថកិច្ចនគរបាលចរាចរខណ្ឌដង្កោទំនាក់ទំនងទៅ ក្រុមគ្រួសារឲ្យមកទទួលយកទៅធ្វើបុណ្យតាមប្រពៃណី៕
