អូស្ត្រាលីផ្តល់ជំនួយដល់ប្រទេសហ្វ៊ីលីពីន
អង្គការ មនុស្សធម៌ទស្សនៈពិភពលោកបានស្វាគមន៍ការប្តេជ្ញាចិត្តរបស់រដ្ឋា ភិបាលអូស្ត្រាលីក្នុងការផ្តល់ជំនួយចំនួន ១០លានដុល្លារដើម្បីជួយសង្រ្គោះដល់ជនរងគ្រោះដោយខ្យល់ព្យុះ បើទោះបីជាគេត្រូវការជំនួយជាច្រើនទៀតក៏ដោយ។
ជា មួយគ្នានេះដែរ ក្រុមគ្រូពេទ្យឆ្លើយតបរហ័ស ដែលនឹងធ្វើដំណើរទៅតំបន់រងគ្រោះដោយខ្យល់ព្យុះនៅប្រទេស ហ្វ៊ីលីពីននៅថ្ងៃស្អែកនេះ រំពឹងថាគេនឹងឃើញនូវស្ថានភាពដូចទៅនឹងការរងគ្រោះដោយរលកសមុទ្រ ស៊ូណាមីកាលពីខែធ្នូ ឆ្នាំ ២០០៤កន្លងទៅនេះផងដែរ។
ក្រុម គ្រូពេទ្យដែលមានសមាជិកសរុប៣៦រូប ទាំងវេជ្ជបណ្ឌិត និងគិលានុបដ្ឋាកមកពីក្រុមឆ្លើយតបបន្ទាន់ដែលមានមូលដ្ឋាននៅទីក្រុង ដាវីននឹងធ្វើដំណើរទៅកាន់ទីក្រុងតាឡូបាន។
លោក វេជ្ជបណ្ឌិត Len Notaras មានប្រសាសន៍ថាលោកបានផ្តល់ការណែនាំដល់បុគ្គលិករបស់លោកឲ្យត្រៀម ខ្លួនជាស្រេចទៅនឹងទិដ្ឋភាពដែលគួរឲ្យខ្លោចផ្សាដែលប្រជាពលរដ្ឋ រងគ្រោះនៅទីនោះកំពុងជួបប្រទះ៕ (Radio Australia)