គណៈរដ្ឋមន្រ្តីបើក កិច្ចប្រជុំ ពិភាក្សា ផ្តោតសំខាន់លើ ប្រព័ន្ធតុលាការ
សារព័ត៌មាន Cambodia News/
-
លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន ភ្នំ ពេញ (១៨ មេសា ២០១៤) ៖ នៅព្រឹកថ្ងៃសុក្រ ទី១៨ ខែមេសា នេះ លោក ហ៊ុន សែន នាយ ករដ្ឋមន្រ្តី នៃព្រះរាជាណាចក្រកម្ពុជា បានដឹកនាំមន្រ្តីរាជរដ្ឋាភិបាលបើកកិច្ចប្រជុំ ដោយពិភា ក្សា លើប្រធាន បទកែទម្រង់ប្រព័ន្ធតុលាការនៅកម្ពុជា ដែលតែងតែរងនូវពាក្យនិន្ទា និងរិះគន់ពីប្រជាពលរដ្ឋ។
លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានថ្លែងឲ្យដឹងថា កិច្ចប្រជុំ គណៈរដ្ឋមន្រ្តីនាព្រឹកថ្ងៃនេះ នឹងពិភាក្សាផ្តោតសំខាន់ទៅលើការរៀបចំ និងធ្វើកំណែទម្រង់ទៅលើប្រព័ន្ធតុលាការ កម្ពុជា។
លោក ខៀវ កាញារីទ្ធ បានបន្តថា កន្លងមក ប្រព័ន្ធតុលាការនៅកម្ពុជា ដែលស្ថាប័នផ្តល់ និងស្វែងរកយុត្តិធម៌ជូនប្រជាពលរដ្ឋ ជាញឹកញយតែងតែរងនូវការនិន្ទាពី ប្រជាពលរដ្ឋថា មិនឯករាជ្យ មិនមានយុត្តិធម៌ជាដើម។
លោក ខៀវ កាញារីទ្ធ ក៏បានលើកឡើងថា សំណុំរឿងជាច្រើន ដែលកើតមានគេតែងតែឮសូរសម្រែក លាយឡំជាមួយទឹកភ្នែកពីអ្នកចាញ់ក្តីថា អយុត្តិធម៌ ឬពាក្យថា អ្នកមានអំណាច មានលុយទើបមានយុត្តិធម៌ ដែលបញ្ហានេះ បានធ្វើឲ្យប្រជាពលរដ្ឋមានការអស់សង្ឃឹម មកលើស្ថាប័នយុត្តិធម៌មួយនេះ៕
