លោក វន់ ពៅ និងមនុស្ស ២២នាក់ ត្រូវបានតុលាការ ដោះលែង
សារព័ត៌មាន Cambodia News/
ភ្នំពេញ (៣០ ឧសភា ២០១៤) ៖ សាលាដំបូងរាជធានីភ្នំពេញ នៅព្រឹកថ្ងៃទី ៣០ឧសភា នេះ បានសម្រេច ដោះលែង លោក វ៉ន ពៅ និងជនជាប់ចោទ ២២នាក់ផ្សេងទៀត ដោះលែងឲ្យនៅក្រៅឃុំ ដោយព្យូរទោសពីមួយឆ្នាំទៅបីឆ្នាំ និងស្ថិតនៅក្រោមការព្យួរទោស ពីមួយឆ្នាំទៅបីឆ្នាំ។
សវនាការលើជនទាំង ២៣ នាក់ ត្រូវបានចៅក្រមតុលាការរាជធានីភ្នំពេញ ធ្វើឡើង នៅពីរបន្ទប់ផ្សេងគ្នា ក្នុងរយៈពេល ៥ ថ្ងៃ ចាប់ពីថ្ងៃទី២៥មេសា និងបញ្ចប់នៅថ្ងៃទី២២ ខែឧសភា ឆ្នាំ២០១៤។
នៅវេលាម៉ោង ៨ ព្រឹក ថ្ងៃទី៣០ ខែឧសភា នេះ សាលក្រមលើសំណុំរឿងក្តីទាំងពីរនេះ ត្រូវបាន ចៅក្រមសាលាដំបូងរាជធានីភ្នំពេញ បានប្រកាស សាលក្រម សម្រេច ដោះលែង លោក វន់ ពៅ ប្រធានសមាគមប្រជាធិបតេយ្យ នៃសេដ្ឋកិច្ចក្រៅប្រព័ន្ឋ និង មនុស្ស ២២នាក់ផ្សេងទៀត អោយមានសេរីភាពវិញហើយ។
គួបញ្ជាក់ថា មនុស្ស២២នាក់ផ្សេងទៀតពាក់ព័ន្ធនឹងបទញុះញង់ បង្កហិង្សា និងបំផ្លិច បំផ្លាញទ្រព្យសម្បត្តិ អំឡុងពេលកម្មកររោងចក្រកាត់ដេរ ធ្វើបាតុកម្ម ទាមទារឡើងប្រាក់ខែ នៅរោងចក្រ យ៉ាកជីន ក្បែរតំបន់សេដ្ឋកិច្ចពិសេសភ្នំពេញ និងផ្លូវវ៉េងស្រេង ក្នុងពេលតវ៉ាដំឡើងប្រាក់ខែកម្មករ ១៦០ដុល្លារកាលពីថ្ងៃទី២មករា និងថ្ងៃទី៣មករាក៕
