អ្នកលេងហ្វេសប៊ុក អបអរចំពោះការត្រូវរ៉ូវគ្នាផ្នែកនយោបាយនៃគណបក្សទាំង២
សារព័ត៌មាន Cambodia News/
ភ្នំពេញ (២៣ កក្កដា ២០១៤) ៖ ក្រោយពេលដែលថ្នាក់ដឹកនាំគណបក្សប្រជាជនកម្ពុជា និងគណបក្សសង្គ្រោះជាតិបានរួមគ្នាបញ្ចប់ជម្លោះនយោបាយ ក្រុមបណ្តាអ្នកលេងសង្គម ហ្វេសប៊ុក បានបង្ហាញការចាប់អារម្មណ៍យ៉ាងខ្លាំងចំពោះការត្រូវរ៉ូវគ្នាផ្នែកនយោបាយនៃគណបក្សទាំង២។
អ្នកលេងបណ្តាញសង្គមហ្វេសប៊ុកភាគច្រើន បានបញ្ចេញអារម្មណ៍ផ្ទាល់ខ្លួនសាទរ ចំពោះភាពត្រូវរ៉ូវគ្នានេះ ជាក់ស្តែង សម្រាប់គណនីហ្វេសប៊ុកឈ្មោះ Pen Pay សរសេរថា “ខ្ញុំសូមស្វាគមន៍ដល់ការចូលរួមក្នុងការធ្វើការជាមួយគ្នា សាងជាប្រវត្តិសាស្ត្រល្អ និងជាគំរូល្អ សម្រាប់ក្មេងជំនាន់ក្រោយ។
ជាមួយគ្នានេះ គណនីហ្វេសប៊ុកឈ្មោះ Sok Sopheak បានសរសេរមតិស្វាគមន៍ថាខ្ញុំសប្បាយចិត្តខ្លាំងណាស់ដល់ថ្នាក់ហូរទឹកភ្នែកមិនដឹងខ្លួន”។
ទាំងនេះសុទ្ធតែជាការសរសេរបញ្ចេញមតិផ្ទាល់ខ្លួន របស់អ្នកលេងបណ្តាញសង្គមហ្វេសប៊ុក ចំពោះការត្រូវរ៉ូវគ្នាផ្នែកនយោបាយរវាងគណបក្សទាំង២ ដែលជាបំណងប្រាថ្នាដែលប្រជាពលរដ្ឋខ្មែរទូទាំងប្រទេសចង់បានពិតប្រាក៕
