លោកស្រី យីងឡាក់ និងសមាជិកជាន់ខ្ពស់បក្សភឿថៃ ៩ រូបទៀត ប្រឈមការចោទប្រកាន់ជាថ្មី
សារព័ត៌មាន Cambodia News/
ភ្នំពេញ (២៩ កក្កដា ២០១៤ ) ៖ កាលពីព្រឹកថ្ងៃទី២៨ ខែកក្កដា ក្រុមសហគមន៍បុរីកីឡា និងអតីតអ្នកភូមិបឹងកក់ប្រមាណ ជា១០០នាក់ បានលើកបដាពាក្យស្លោក និងគ្រឿងបំពងសំឡេងឈរបិទច្រកចេញចូលមុខសាលារាជធានីភ្នំពេញ លើកំណាត់មហាវិថីព្រះមុនីវង្ស ទាមទារឱ្យអភិបាលរាជធានី បញ្ជាក់ពីគោលជំហររបស់ខ្លួនឱ្យច្បាស់នៅក្នុងដំណោះស្រាយជូនពួកគាត់។
ការតវ៉ាពីទំនាស់រឿងដីធ្លីនេះ បណ្តាលឱ្យស្ត្រីមកពីសហគមន៍បុរីកីឡា២នាក់ដួលសន្លប់នៅក្នុងការប៉ះទង្គិចគ្នាជាមួយសមត្ថកិច្ចនៅមុខសាលារាជធានីភ្នំពេញផងដែរ។
ក្រុមសហគមន៍បុរីកីឡា និងអតីតអ្នកភូមិបឹងកក់បានលើកឡើងថា ការរវ៉ានេះ គឺដើម្បីសុំឱ្យលោកអភិបាលរាជធានីភ្នំពេញ ពន្លឿនការដោះស្រាយលំនៅឋានជូនពួកគាត់ឱ្យបានឆាប់រហ័ស ព្រោះរដូវវស្សាចូលមកដល់ហើយ មិនគួរចេះតែពន្យារពេលពីមួយឆ្នាំទៅមួយឆ្នាំយ៉ាងដូច្នេះទេ។
មន្ត្រីនគរបាលខណ្ឌដូនពេញដែលមានភារកិច្ចរៀបចំសណ្តាប់ធ្នាប់និយាយថា ការប៉ះទង្គិចគ្នានៅមុខសាលារាជធានីភ្នំពេញនេះ ផ្តើមចេញពីក្រុមអ្នកតវ៉ាដែលដឹកនាំដោយអ្នកស្រី ទេព វន្នី អ្នកស្រី យ៉ោម បុប្ផា កញ្ញា សុង ស្រីលាភ ដែលជាសកម្មជនដីធ្លីនាំគ្នាឈរបិទទ្វារច្រកចេញចូលមុខសាលារាជធានី និងធ្វើឱ្យស្ទះផ្លូវ៕
