ប៉ូលិសអូស្ត្រាលីរឹបអូសបានគ្រឿងញៀនចំនួន២០០គីឡូក្រាមនាំចូលពីឥណ្ឌា
មន្ត្រីជីវសុវត្ថិភាពក្នុងភាគខាងត្បូងនៃទីក្រុងមែលប៊ិន បានរកឃើញគ្រឿងញៀនលាក់ទុកក្នុងនាវាដឹកអង្ករមកពីឥណ្ឌា។
នេះ គឺជាយុទ្ធនាការរឹបអូសគ្រឿងញៀនទម្ងន់សរុប ២០០គីឡូក្រាមដែលបរិមាណដ៏ធំបំផុតទី៣ ដែលសមត្ថកិច្ចចាប់នៅក្នុងប្រទេសអូស្ត្រាលី។ សារធាតុគ្រឿងញៀននេះ អាចត្រូវយកទៅបង្កើតបានជាថ្នាំញៀនប្រភេទទឹកកក។
ប៉ូលិសកំពុងបើកយុទ្ធនាការ ដោយមានដីកាឆែកឆេររឹបអូសលុយសុទ្ធ នៅក្នុងទីកន្លែងមួយចំនួននៅក្រុងមែលប៊ិន និងស៊ីដនីយ៍។ បុរសអូស្ត្រាលីម្នាក់ និងជនជាតិកាណាដា ២នាក់ កំពុងរងការចោទប្រកាន់ពីបទចែកចាយគ្រឿងញៀន។
ប៉ូលិសប្រទេស អូស្ត្រាលី លោក Ian McCartney និយាយថាអាជ្ញាធរឥណ្ឌាក៏បានចាប់ខ្លួនបុរសម្នាក់ ដែលពួកគេគិតថា បានបញ្ជូនថ្នាំញៀនទាំងនោះមកប្រទេសអូស្ត្រាលី៕ (Radio Australia)
