អាមេរិកហាមឃាត់មន្ដ្រីការទូតមិនឱ្យលេងល្បែងចាក់ទឹកកក
សារព័ត៌មាន Cambodia News
អាមេរិក (២២ សីហា ២០១៤) ៖ អ្នកការទូតអាមេរិកត្រូវបានហាមឃាត់លេងល្បែងចាក់ទឹកកកលើក្បាល រឺហៅម្យ៉ាងទៀតថា Ice Bucket Challenge ដែលកំពុងពេញនិយមខ្លាំងនៅ ទូទាំងពិភពលោកទាំងប្រទេសនៅតំបន់អឺរ៉ុប និង នៅអាស៊ី។
មូលហេតុហាមមិនឱ្យលេងនោះ ត្រូវបានលើកហេតុផលតែម្យ៉ាងគត់ថា ល្បែងនេះមិនសមស្របឡើយ។ ទន្ទឹងនឹងនោះដែរ ប្រធានាធិបតីអាមេរិក ក៏ត្រូវបានគេអញ្ជើញឱ្យលេងដែរ ប៉ុន្ដែលោកបានបដិសេធ ដូច្នេះលោកក៏បានយល់ព្រមបង់ប្រាក់ដល់សមាគម ALS ដើម្បីយកទៅឧត្ថម្ភអ្នកកើតជំងឺស្វិតខួរក្បាល និង ឆ្អឹងខ្នង ។
សូមបញ្ជាក់ថា ល្បែងចាក់ទឹកកកលើក្បាលនេះ ល្បីពេញរន្ទឺ ទូទាំងប្រទេសនៅតំបន់អឺរ៉ុប និង នៅអាស៊ី ហើយនរណាមិនចូលរួមលេង ត្រូវបង់លុយ១០០ដុល្លាទៅ១២០ដុល្លា ទៅដល់សមាគម។ គួរម្លឹកថា កាលពីថ្មីៗនេះ តារាចម្រៀង Justin Bieber អតីតប្រធានាធិបតីអាមេរិកលោក George W Bush និងប្រធានក្រុមហ៊ុនMicrosoft ក៏ចូលរួមផងដែរ៕
