កូន​ស្រី​នាំ​សហាយ ​មក​ដេក​ក្នុង​បន្ទប់​ ម្ដាយ​ចាក់​សោរ​ពី​ក្រៅ​ ទូរស័ព្ទ​ហៅ ​កូន​ប្រសារ​

សារព័ត៌មាន​​ Cambodia News/

ភ្នំពេញ ៖ ស្ដ្រីម្នាក់ដែលមានប្ដី និងកូន ស្រីម្នាក់អាយុ ៥ឆ្នាំទៅហើយ បែរជាផិត ក្បត់ លួច​មាន​សហាយ នាំមកដេកដល់ក្នុង ផ្ទះ ខណៈដែលប្ដីរវល់ចេញទៅធ្វើការងារ នៅតាមខេត្ដ រហូត​ដល់​ម្ដាយបង្កើតខាង ស្រី ​ចាក់សោរបន្ទប់បង្ខាំងកូនស្រី និងប្រុសសហាយ រួច ហើយ​ទូរស័ព្ទ​ប្ដឹងសមត្ថ កិច្ច និងហៅកូនប្រសារឱ្យមកមើលជាក់ស្ដែង ដោយ​សារ​តែ​គាត់​មាន​ចិត្ដ អាណិត កូនប្រសារដែលជាមនុស្សស្លូតបូត ។

ហេតុការណ៍ដែលកម្រនឹងកើតមាន ខាងលើនេះបានកើតឡើង កាលពីវេលា ម៉ោង ១១យប់ ថ្ងៃទី២៨ ខែសីហា ឆ្នាំ ២០១៤ ម្សិលមិញនេះ ស្ថិតនៅក្នុងភូមិ ដំណាក់ធំ២ សង្កាត់​ស្ទឹង​មាន​ជ័យ ខណ្ឌ មានជ័យ ។

ស្ដ្រីដែលផិតក្បត់ជាមួយប្ដី លួចទៅមាន សហាយនាំមកដេកដល់ក្នុងផ្ទះខាងលើនេះ ត្រូវ​បាន​គេ​ស្គាល់ ឈ្មោះ ពើប ច្រឹប អាយុ ២១ឆ្នាំ មានមុខរបរ ជាកម្មករកាត់ដេរ ស្នាក់​នៅ​បន្ទប់​ជួល​កន្លែង​កើតហេតុខាង លើនេះ ។

រីឯប្ដីវិញត្រូវបានគេស្គាល់ឈ្មោះ សែម វ៉ែន អាយុ ៣០ឆ្នាំ ជាបុគ្គលិកក្រុម ហ៊ុមអគ្គិសនី មាន ស្រុកកំណើតនៅភូមិអូរ ព្រៀល ឃុំស្វាយរំពា ស្រុកគងពិសី ខេត្ដកំពង់ស្ពឺ ដោយ​ពួក​គេ​មា​ន​កូនស្រីអាយុ ៥ ឆ្នាំម្នាក់នៅក្នុងបន្ទុក ។ដោយឡែកប្រុសជា សហាយស្មន់ ត្រូវ​បាន​គេ​ស្គាល់​ឈ្មោះ ឆេង  រ៉េន អាយុ ២៦ឆ្នាំ មានមុខរបរកម្មករសំណង់ ។

ពេល​សមត្ថកិច្ច និងប្ដីមកដល់បែករឿងស្ដ្រីខាងលើ បានធ្វើការអះ អាងថា ខ្លួនបានលួច ស្រឡាញ់គ្នា ជា​មួយ​នឹង​បុរស​ជា​កម្មករ​ សំណង់ខាងលើនេះ អស់រយៈពេល ប្រមាណ ៨ខែមកហើយ ហើយឥឡូវបើជ្រុលតែបែក រឿងទៅហើយនោះ ខ្លួន​មិន​វិល​ក្រោយវិញ នោះទេ គឺសុខចិត្ដលែងប្ដី យកប្រុសសហាយ ធ្វើជាប្ដីវិញ ។

ចំណែកបុរសជាប្ដីបានធ្វើការ អះអាងថា ខ្លួនបាន សង្ស័យទៅលើប្រពន្ធ លួចទាក់ទងគ្នា ជាមួយបុរសជាកម្មករ សំណង់​ខាង​លើយូរមកហើយ​ ឥឡូវបើប្រពន្ធ សុំ​លែងទៅ​ ខ្លួន​ក៏​មិន​យល់​ទាស់នោះដែរ តែត្រូវតែបង់ជំងឺចិត្ដមកឱ្យខ្លួនទើបចប់រឿង ៕

 

Related Articles

Back to top button
Close
Close