កាប់តាយាយនិងឪពុកមា ស្លាប់ ដោយខឹងសុំលុយ ១ពាន់រៀល ទិញស្រាផឹកមិនបាន
សារព័ត៌មាន Cambodia News/
ព្រះវិហារ (១៥ កញ្ញា ២០១៤) ៖ កាលពីថ្ងៃទី១៤ ខែកញ្ញា ឆ្នាំ២០១៤ ស្ថិតនៅក្នុងភូមិម៉ឺនរាជ ឃុំខ្យង ស្រុកជ័យសែន ខេត្តព្រះវិហារ។ ជនរងគ្រោះទាំង ៣ នាក់នោះ រួមមាន ៖ ទី១-ឈ្មោះចិន លឿង អាយុ៦៦ឆ្នាំ (តា) ទី២-ឈ្មោះខឹង អឹម អាយុ៧៣ឆ្នាំ (យាយ) និងទី៣-ឈ្មោះ ចិន តេម អាយុ៣៧ឆ្នាំ (ឪពុក) អ្នកទាំង៣នាក់ មានទីលំនៅ ក្នុងភូមិកើតហេតុខាងលើ។
រីឯឃាតករ ជាក្មួយប្រុសឈ្មោះ វុធ ធឿន អាយុ២៤ឆ្នាំ មានទីលំនៅក្បែរផ្ទះ កើតហេតុខាងលើ។ ក្នុងហេតុការណ៍កាប់សម្លាប់នេះ ត្រូវប្រជាពលរដ្ឋ លើកគ្នាមួយភូមិ ប្រដាប់ដោយកាំបិត ចម្ពាមកៅស៊ូ និងដំបងព័ទ្ធចាប់ជនសង្ស័យ ដើម្បីកាត់ទោសប្រហារជីវិត ព្រោះពួកគេមានការខឹងសម្បារ យ៉ាងខ្លាំង ចំពោះទង្វើយ៉ាងសាហាវ ឃោរឃៅ របស់ជនដៃដល់នេះ។
តែត្រូវកម្លាំងកងរាជអាវុធហត្ថ ចុះទៅអន្តរាគមន៍ទាន់ពេល រួចនាំយកជនដៃដល់ ទៅសាកសួរ នៅបញ្ជាការដ្ឋានកងរាជអាវុធហត្ថខេត្ត ដើម្បីកសាងសំណុំរឿង បញ្ជូនទៅសាលាដំបូងខេត្តចាត់តាមច្បាប់ ៕
