លោក ហ៊ុន សែនចូលរួមពិព័រណ៌អាស៊ាន-ចិនលើកទី១១នៅប្រទេសចិន
សារព័ត៌មាន Cambodia News/
ភ្នំពេញ (១៥ កញ្ញា ២០១៤) ៖ នៅព្រឹកថ្ងៃទី១៥ កញ្ញានេះ លោកនាយករដ្ឋមន្ត្រីហ៊ុន សែន ប្រមុខដឹកនាំរដ្ឋាភិបាល បានដឹកនាំមន្ត្រីជាន់ខ្ពស់ រាជរដ្ឋាភិបាលកម្ពុជា អញ្ជើញទៅ ចូលរួមពិព័រណ៍ អាស៊ាន-ចិនលើកទី១១ ដែលនឹងប្រព្រឹត្តទៅពីថ្ងៃទី១៦ ដល់ថ្ងៃទី១៩ ខែកញ្ញា ឆ្នាំ២០១៤ នៅទីក្រុងណាននីង ខេត្តក្វាងស៊ី ប្រទេសចិន។ ។
ក្នុងដំណើរទៅកាន់សាធារណៈរដ្ឋចិននេះ គណៈប្រតិភូអមដំណើរជាមួយនាយករដ្ឋមន្ត្រី រួមមាន៖ លោកទេសរដ្ឋមន្ត្រីស៊ុន ចាន់ថុល រដ្ឋមន្ត្រីក្រសួងពាណិជ្ជកម្ម និងសមាជិកដទៃទៀត នៃរាជរដ្ឋាភិបាលកម្ពុជា។
សេចក្តីជូនព័ត៌មានដដែល បានបញ្ជាក់ថា ក្នុងឱកាសទស្សនកិច្ចនេះ លោកនាយករដ្ឋមន្ត្រីហ៊ុន សែន នឹងទទួលជួបសំដែងការគួរសមជាមួយលោក ចាង កាវលី ( Zhang Gaoli ) ឧបនាយករដ្ឋមន្ត្រី និងជាសមាជិកគណៈកម្មការអចិន្ត្រៃយ៍ នៃការិយាល័យនយោបាយបក្សកុម្មុយនីស្តចិន៕
