យុវវ័យខ្មែរធ្វើអត្តឃាតភាគច្រើនដោយសារមានវិបត្តិស្នេហា
នាង/សារព័ត៌មាន Cambodia News/
ភ្នំពេញ (១៦ កញ្ញា ២០១៤) ៖ ការធ្វើអត្តឃាត នៅតែកើតមានចំពោះយុវវ័យខ្មែរបច្ចុប្បន្ន បើទោះបីជាជនរងគ្រោះមានចំណេះដឹងខ្ពង់ខ្ពស់ និងការងារសមប្រកបក៏ដោយ ។ ការគិតខ្លីរបស់យុវវ័យ គឺដោយសារតែពួកគេយល់ឃើញថា រឿងកើតឡើងមិនអាចដោះស្រាយបាន និង អាចដោយសារភាពទាល់ច្រករបស់ពួកគេ។
ដូច្នេះពួកគាត់សម្រេចចិត្តគិតខ្លី ដោយធ្វើអត្តឃាត ដោយប្រើវិធី ចងក លោតទឹកសម្លាប់ខ្លួន និងលេបថ្នាំជាដើម។ការសម្លាប់ខ្លួនក្នុងករណីខាងលើនេះ ត្រូវបានក្រុមយុវវ័យមួយចំនួនទៀត បានបញ្ចេញទស្សនថា មិនគួរគិតខ្លីធ្វើអត្តឃាតឡើយ ព្រោះនៅមានផ្លូវសម្រាប់ដើរទៅមុខទៀត តែទោះជាយ៉ាងណាក៏ដោយទាក់ទងនឹងបញ្ហានេះ មិនថាឧបសគ្គណាទេ ត្រូវតែមានដំណោះស្រាយទាំងអស់។
ជាការកត់សម្គាល់ យុវវ័យបច្ចុប្បន្ន តែងគិតខ្លីធ្វើអត្តឃាតខ្លួនឯង ព្រោះតែរឿងពាក់ព័ន្ធទៅនឹងគ្រួសារ បែកបាក់ស្នេហា ភាពក្រីក្រ និងបញ្ហាផ្សេងៗទៀត តែការសម្លាប់ខ្លួនខាងលើ មិនមែនជាជំរើសល្អសម្រាប់ខ្លួនយើងឡើយ គឺយើងត្រូវតែ ស្វែងរកការពិតដើម្បី ដោះស្រាយបញ្ហាទាល់ច្រកបាន។ ប៉ុន្តែបើសិនជាមិនមានវិធីដោះស្រាយទេនោះ គួរតែស្វែងរកមិត្តភក្ដិ បងប្អូន ជាពិសេសស្វែងរកអង្គការដោះស្រាយវិបត្តិ និងអ្នកជំនាញជាអ្នកប្រឹក្សា ជាជាងលាក់ទុកតែម្នាក់ឯង៕
