រាជរដ្ឋាភិបាល រៀបចំខួប ១០ ឆ្នាំ នៃការគ្រងរាជសម្បត្តិព្រះមហាក្សត្រ ថ្ងៃ២៩តុលា
សារព័ត៌មាន Cambodia News/
ភ្នំពេញ (២០ តុលា ២០១៤) ៖ សម្រាប់ព្រះរាជពិធីរាជាភិសេក ព្រះករុណា សម្តេចព្រះបរមនាថ នរោត្តម សីហមុនី ខួប ១០ ឆ្នាំ នាថ្ងៃទី២៩ ខែតុលា ឆ្នាំ២០១៤ រាជរដ្ឋាភិបាល នឹងរៀបចំពិធីបុណ្យខុសពីឆ្នាំមុនៗ ដោយនៅព្រឹកថ្ងៃទី២៩តុលា នឹងមានមិទ្ទិញមហាជន មានអ្នកចូលរួមប្រមាណជាជាង ២ ម៉ឺននាក់ មានមហាជនពីគ្រប់ខណ្ឌ កងកម្លាំងប្រដាប់អាវុធ ទាំង ៣ កងនគរបាល កងរាជអាវុធហត្ថ យុវជនកាកបាទក្រហម កាយរិទ្ធ និងឥស្សរជនថ្នាក់ដឹកនាំរដ្ឋ ក្រសួង ស្ថាប័ន មន្ទីរ អង្គភាព និងតំណាងរាជធានី ខេត្តទាំង ២៥។
ដំណឹងខាងលើនេះ ត្រូវបានលោក កឹម គុណវឌ្ឍ អគ្គនាយកទូរទស្សន៍ជាតិកម្ពុជា បានសរសេរក្នុងហ្វេសប៊ុករបស់លោក នាព្រឹកថ្ងៃអាទិត្យ ទី១៩តុលា។
លោក កឹម គុណវឌ្ឍ បានលើកឡើងថា ក្នុងឱកាសនៃពិធីប្រារព្ធខួប ១០ ឆ្នាំ នៃការគ្រងរាជសម្បត្តិ របស់ព្រះករុណាព្រះមហាក្សត្រ ព្រះបាទ សម្តេចព្រះបរមនាថ នរោត្តម សីហមុនី ( ២៩ តុលា ២០០៤ – ២៩ តុលា ២០១៤) ដែលប្រព្រឹត្តិទៅនៅថ្ងៃទី២៨ និងថ្ងៃទី២៩តុលា ខាងមុខនេះ៕
