អ្នកមានជម្លោះដីធ្លីរបួសធ្ងន់ និងស្រាល ក្រោយការបង្រ្កាប
សារព័ត៌មាន Cambodia News/
ភ្នំពេញ (២០ តុលា ២០១៤) ៖ សមត្ថកិច្ចរាជធានីភ្នំពេញ នៅរសៀលថ្ងៃចន្ទនេះ ចាប់ផ្តើមបង្រ្កាបអ្នកមានជម្លោះដីធ្លីខេត្តព្រះវិហារដែលតវ៉ាសុំអន្តរាគមន៍ពីនាយករដ្ឋមន្រ្តី បណ្តាលឲ្យមនុស្សមួយចំនួនរងរបួសធ្ងន់ និងស្រាល។
នៅព្រឹកថ្ងៃចន្ទនេះ ប្រជាពលរដ្ឋមានទំនាស់ដីធ្លីមកពីខេត្តព្រះវិហារប្រមាណ២០០នាក់ បានដើរហែញត្តិនៅក្នុងរាជធានីភ្នំពេញ ដើម្បីរកដំណោះស្រាយបញ្ហាដីធ្លីរបស់ខ្លួន។ប្រជាពលរដ្ឋមានបំណងសុំអន្តរាគមន៍ពីលោកនាយករដ្ឋមន្ត្រី ហ៊ុន សែន និងស្ថានទូតនានានៅក្នុងប្រទេសកម្ពុជាក្នុងការជំរុញឲ្យមានការចេញប្លង់កម្មសិទ្ធិជូនពួកគាត់។
ការតវ៉ារហូតមកដល់រសៀលនេះ សមត្ថកិច្ចរាប់សិបនាក់បានបង្រ្កាបការប្រមូលផ្តុំនៅក្បែរផ្ទះនាយករដ្ឋមន្រ្តី បណ្តាលឲ្យមនុស្សរបួសបែកក្បាល និងខូចខាតរម៉កកង់បី។ រហូតមកដល់ពេលនេះ មនុស្ស៤នាក់ រងរបួសធ្ងន់ និងស្រាល ដោយអ្នកខ្លះបែកក្បាល អ្នកទាំងនោះ ត្រូវបានបញ្ជូនទៅព្យាបាលនៅមន្ទីរពេទ្យឯកជនមួយ៕
