រដ្ឋបាលក្រុង ស្រុក ខណ្ឌ ជាអ្នកផ្តល់សេវាបញ្ជាក់ឯកសារសំគាល់យានយន្តថតចម្លង
សារព័ត៌មាន Cambodia News/
ភ្នំពេញ (២០ មករា ២០១៦) ៖ ក្រសួងមហាផ្ទៃ បានសម្រេចឲ្យរដ្ឋបាលក្រុង ស្រុក ខណ្ឌ ជាអ្នកផ្ដល់សេវាជូនពលរដ្ឋ ចំពោះការបញ្ជាក់លើឯកសារថតចម្លងលើប័ណ្ណសំគាល់យាន្តយន្ត ចំណែកឯកសារថតចម្លងលើប័ណ្ណបើករថយ ន្ត ត្រូវបានប្រគល់ទៅឲ្យរដ្ឋបាលរាជធានី ខេត្ត ជាអ្នកអនុវត្ត។
តាមរយៈលិខិតរបស់ក្រសួងមហាផ្ទៃ ផ្ញើមកកាន់អភិបាលរាជធានីខេត្ត បានសរសេរថា ផ្អែកតាមតារាងឧបសម្ព័ន្ធនៃកម្រងសេវារដ្ឋបាល របស់រដ្ឋបាលថ្នាក់ក្រោមជាតិ ដែលភ្ជាប់នឹងសេចក្ដីប្រកាសអ ន្តរក្រសួងរបស់ខ្លួន ជាមួយក្រសួងសេដ្ឋកិច្ច និងហរញ្ញវត្ថុ ការងារនីត្យានុកូលកម្ម (ការបញ្ជាក់ឯកសារថតចម្លង) លើប័ណ្ណសំគាល់យាន្តយន្ត ត្រូវប្រគល់ទៅឲ្យរដ្ឋបាលក្រុង ស្រុក ខណ្ឌ ជាអ្នកផ្ដល់សេ វាជូនប្រជាពលរដ្ឋ ចំណែកឯកសារថតចម្លងលើប័ណ្ណបើករថយន្ត ត្រូវបានប្រគល់ទៅឲ្យរដ្ឋបាលរាជធានី ខេត្ត ជាអ្នកអនុវត្ត៕
