នាយករដ្ឋមន្ត្រីថៃអរគុណដល់ក្រុម ជួយសង្រ្គោះដែលជួយក្មេងៗមកវិញ
សារព័ត៌មាន Cambodia News/
បាងកក ៖ នាយករដ្ឋមន្ត្រីថៃ លោកប្រាយុទ្ធ ចាន់អូចារ បានថ្លែងអំណរគុណដល់គ្រប់ភាគីទាំងអស់ ដែលបានខិតខំប្រឹងប្រែងជួយសង្គ្រោះដល់ក្មេងៗកីឡាបាល់ទាត់ទាំង១២រូប និងគ្រូបង្វឹករបស់ពួកគេ ខណៈដែលពួកគេ ត្រូវបានរកឃើញរស់រានមានជីវិត នៅក្នុងល្អាងភ្នំថាមលួង ខណៈដែលចាត់ទុកថា ព្រឹត្តិការណ៍នេះបង្ហាញពីសាមគ្គីភាពរបស់ប្រជាជននៅក្នុងប្រទេស។ នេះបើតាម សារព័ត៌មានថៃ THE NATION។
លោក Prayut តាមរយៈអ្នកនាំពាក្យរដ្ឋាភិបាលលោកឧត្តមសេនីយ៍ Gen Sansern Kaewkamnerd បាននិយាយថា «ព្រឹត្តិការណ៍នេះបានបង្ហាញឲ្យឃើញនូវសាមគ្គីភាពរបស់ប្រជាជននៅក្នុងប្រទេស។ ពួកគេ នឹងទទួលបានជោគជ័យរាល់អ្វីគ្រប់យ៉ាងទាំងអស់ ដែលពួកគេតាំងចិត្តធ្វើ ក្រោមសេចក្ដីមេត្តារបស់ស្តេចរាមាទី១០ (ព្រះអង្គ Maha Vajiralongkorn)។ ថ្ងៃនេះ ត្រូវបានចាត់ទុកថា ជាថ្ងៃដ៏ល្អមួយសម្រាប់ប្រជាជនថៃ និងគ្រួសាររបស់កីឡាបាល់ទាត់ទាំង១៣រូប»។
សូមជម្រាបថា ក្មេងៗកីឡាបាល់ទាត់ទាំង១២រូប និងគ្រូបង្វឹករបស់ពួកគេ បានបាត់ខ្លួន នៅក្នុងល្អាងភ្នំ ថាមលួង ខេត្តឈៀងរ៉ៃ ភាគខាងជើងប្រទេសថៃ ចាប់តាំងពីថ្ងៃទី ២៣ មិថុនា ឆ្នាំ២០១៨មកម្ល៉េះ គិតមកដល់ពេលនេះ គឺ៩ថ្ងៃហើយ៕
