សម រង្ស៊ី ស្នើសុំ គ.ជ.ប ចុះឈ្មោះក្នុងបញ្ជីបេក្ខជនតំណាងរាស្ត្រ
Cambodia News/
ភ្នំពេញ៖ លោក សម រង្ស៊ី ប្រធានគណបក្សសង្គ្រោះជាតិ បានស្នើឲ្យគណៈកម្មាធិការជាតិរៀបចំការបោះឆ្នោត គ.ជ.ប ដាក់បញ្ចូលឈ្មោះក្នុងបញ្ជីផ្លូវការបេក្ខជនឈរឈ្មោះបោះ ឆ្នោតជ្រើសតាំងតំណាងរាស្ត្រ សម្រាប់មណ្ឌលខេត្តកណ្ដាល ក្នុងការបោះឆ្នោតខាងមុខនេះ។
លិខិតរបស់គណបក្សសង្គ្រោះជាតិ ផ្ញើជូនប្រធានគណៈកម្មាធិការជាតិរៀបចំការបោះឆ្នោត លោក អ៊ឹម សួស្តី បានស្នើសុំដាក់ឈ្មោះប្រធានគណបក្សសង្គ្រោះជាតិ លោក សម រង្ស៊ី ក្នុងបញ្ជីផ្លូវការបេក្ខជនតំណាងរាស្ត្រមណ្ឌលខេត្តកណ្ដាល។
សួមបញ្ជាក់ថា សហគមន៍អន្តរជាតិរួមមាន សភាអឺរ៉ុប សហរដ្ឋអាមេរិក អូស្ត្រាលី ជាដើម បានជំរុញឲ្យរដ្ឋាភិបាល ធានាសុវត្ថិភាពលោកសម រង្ស៊ី ចូលស្រុកវិញ ហើយអាចឈរឈ្មោះជាបេក្ខជនតំណាងរាស្ត្រប្រកួតប្រជែង សម្រាប់ការបោះឆ្នោត នៅថ្ងៃទី២៨ ខែកក្កដា ឆ្នាំ២០១៣នេះ៕
