វណ្ណ ម៉ូនីកា មិនខ្លាចការគំរាមរឿងបង្ហោះរូបអាក្រាត
សារព័ត៌មាន Cambodia News/
ភ្នំពេញ (២២ មេសា ២០១៥) ៖ កាលពីកន្លងទៅតារាសម្តែង វណ្ណ ម៉ូនីកា ធ្លាប់មាន បញ្ហារឿង ឈ្លោះប្រកែក ដោយពាក្យ សម្តី រហូតឈានដល់ ការសរសេរ បង្ហោះតាម Facebook ដៀមដាម ឌឺដងដាក់គ្នា ជាមួយអតីត គូស្នេហ៍ចាស់ តែមិនបានប៉ុន្មាន រឿងនេះក៏ បានរលត់ស្ងប់ស្ងាត់ទៅវិញ ។ [ អានបន្ត ]
ប៉ុន្តែថ្មីៗនេះ តារាសម្តែង វណ្ណ ម៉ូនីកា បង្ហោះសារ គួរឲ្យភ្ញាក់ផ្អើលថា ខ្លួនកំពុង ត្រូវបានបុរសម្នាក់ ដែលជាអតីត សង្សារចាស់ គឺលោក វ៉ាត លីម៉េង គំរាមបញ្ចេញរូបស្រាតបង្ហោះនៅលើបណ្តាញសង្គម Facebook ឱ្យគេឯងឃើញ ជាសារធារណៈ។
តាមរយៈអត្ថន័យ ខ្លឹមសារដែលកញ្ញា វណ្ណ ម៉ូនីកា សរសេរបង្ហោះក្នុង Facebook ផ្ទាល់បាន លើកឡើងថា «ខ្ញុំឆ្ងល់ណាស់ មនុស្សបែកគ្នាយូរមកហើយ ចុះហេតុអី បានជានៅតែ មកតាម ចងកម្មចង ពារជាមួយ ខ្ញុំដល់ណាទៀត ឥឡូវផ្ញើសារ មកគំរាមខ្ញុំទៀត សុទ្ធតែថា គេនឹងផុស រូបស្រាត របស់ខ្ញុំទៅវិញ ខ្ញុំមិនខ្លាចឡើយ ព្រោះខ្ញុំគ្មាន រូបស្រាតអីនោះទេ តែកុំឲ្យតែយក រូបខ្ញុំ កាត់តទៅបានហើយ ប៉ុន្តែខ្ញុំនឹង ដាក់ពាក្យបណ្តឹង ពីបទគំរាម បង្ហោះរូបស្រាតរបស់ខ្ញុំ លេខនឹង (ហ្នឹង) គឺជាលេខ របស់លោក vathlymeng town ជាអ្នកដឹកនាំសម្តែងណា all dear …» ៕
