លោកស្រី មូរ សុខហួរ ត្រូវបានអាជ្ញាធរម៉ាឡេស៊ីចាប់ឃាត់ខ្លួន
សារព័ត៌មាន Cambodia News/
ភ្នំពេញ (៧ វិច្ឆិកា ២០១៩ ) ៖ យោងតាមតាមទីភ្នាក់ងារសារព័ត៌មានបរទេស (Reuters) បានរាយការណ៍ថា កាលពីព្រឹកថ្ងៃទី៧ ខែវិច្ឆិកា ឆ្នាំ២០១៩នេះ អាជ្ញាធរប្រទេសម៉ាឡេស៊ី បានចាប់ឃាត់ខ្លួនលោកស្រី មូរ សុខហួរ មន្ត្រីជាន់ខ្ពស់នៃចលនាឧទ្ទាមដឹកនាំដោយទណ្ឌិត សម រង្ស៊ី ។
ប្រភពព័ត៌មានដដែល បានរាយការណ៍ថា ប៉ូលិសអន្តោប្រវេសន៍ម៉ាឡេស៊ី បានឃាត់ខ្លួនលោកស្រី មូរ សុខហួរ អតីតអនុប្រធានអតីតគណបក្សសង្គ្រោះជាតិ ដែលស្ថិតក្នុងចំណោមអតីតមេដឹកនាំអតីតបក្សប្រឆាំង រួមជាមួយទណ្ឌិត សម រង្ស៊ី ដែលត្រូវស្វែងរកចាប់ខ្លួន ពីបទរៀបចំផែនការធ្វើរដ្ឋប្រហារ នៅថ្ងៃទី៩វិច្ឆិកា។
សូមបញ្ជាក់ថា ដំណឹងនៃការចាប់ខ្លួនលោកស្រី មូរ សុខហួរ បានកើតឡើង ក្រោយអាជ្ញាធរសមត្ថកិច្ចម៉ាឡេស៊ី ទើបតែចាប់ខ្លួនអតីតសកម្មជនអតីតគណក្សសង្គ្រោះជាតិ ២នាក់ កាលពីប៉ុន្មានថ្ងៃមុន ហើយគ្រោងនឹងបញ្ជូនមកកាន់ប្រទេសកម្ពុជា ៕
ប្រភព ៖ ទីភ្នាក់ងារសារព័ត៌មាន Reuters