សម្ដេចតេជោ ៖ ជាអំពើឆោតល្ងង់មួយ ដែលអ្នកខ្លះថា ខ្ញុំស្រឡាញ់កម្មករ ជាងកសិករ
សារព័ត៌មាន Cambodia News/
បាត់ដំបង ៖ ថ្លែងនៅក្នុងពិធីសម្ពោធដាក់ឲ្យប្រើប្រាស់រោងចក្រស៊ីម៉ងត៍បាត់ដំបង ខនស៍ ស៊ីមេន លីមីធីត មានទីតាំងនៅតំបន់ភ្នំដូនម៉ាយ ឃុំស្តៅ ស្រុករតនៈមណ្ឌល ខេត្តបាត់ដំបង នាព្រឹកថ្ងៃទី ៣១ ខែ ឧសភា នេះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៍ថា “អ្នកខ្លះថា ខ្ញុំស្រឡាញ់កម្មករ ជាងកសិករ ដែលនេះជាអំពើឆោតល្ងង់មួយ ដោយមិនបានមើលពីអតីតកាល។
សម្តេចបានរំលឹកថា “កាលពីអាណត្តិមុនៗ ខ្ញុំបានចុះទៅកាន់វាលស្រែជាច្រើន ដើម្បីជួបកសិករ និងជំរុញការលើកស្ទួយវិស័យកសិកម្ម ដោយបានវិនិយោគរាប់លានដុល្លារ ទៅលើការកសាងប្រព័ន្ធស្រោចស្រព។ ពេលនោះគេថា យើងស្រឡាញ់តែកសិករ ដល់ឥឡូវគេចោទយើងថា សឡាញ់តែកសិករ”។
សម្ដេចតេជោ ហ៊ុន សែន បានបន្ថែមថា “ខ្ញុំមានមោទនភាពណាស់ ដែលអាណត្តិទី៥ រៀបនឹងបញ្ចប់ តែយើងទទួលបានសមិទ្ធផលយ៉ាងច្រើន មានរោងចក្រ មានផ្លូវថ្នល់ មានប្រឡាយទឹក មានសាលា រៀន ដែលវិនិយោគដោយក្រុមហ៊ុនបរទេស និងរាជរដ្ឋាភិបាលកម្ពុជា ៕
