ប្រុស ដែលវាយដំសិស្សស្រី ក្នុងបន្ទប់រៀន ត្រូវបានសមត្ថកិច្ចចាប់ខ្លួន
សារព័ត៌មាន Cambodia News /
សៀមរាប (២៥ ឧសភា ២០១៥) ៖ សិស្សប្រុស ដែលបានវាយសិស្សស្រី ក្នុងបន្ទប់រៀន ហើយត្រូវបានគេថតបង្ហោះតាមហ្វេសប៊ុកនោះ ត្រូវបានសមត្ថកិច្ចគរបាល ស្រុកសូទ្រនិគម ចាប់ខ្លួន នឹងកសាងសំណុំរឿង បញ្ជូនទៅកាន់តុលាការផង។ [ អានបន្ត ]
ការចាប់ខ្លួនធ្វើឡើងបន្តាប់មាន វីដេអូខ្លីបមួយបង្ហាញពីសកម្មភាព អំពើហិង្សាមួយ ក្នុងថ្នាក់រៀន នៅវិទ្យាល័យដំដែក ខេត្តសៀមរាប ដោយសិស្សបុ្រសម្នាក់ បានដាល់ទៅលើ សិស្សស្រីម្នាក់ទៀតចំនួន៣ដៃ ហើយបានអុកកែង ពីលើកញ្ចឹងក បណ្តាលឱ្យនាងស្រែកយំពេញថ្នាក់រៀន។
បច្ចុប្បន្នជនសង្ស័យខាងលើ ត្រូវបានកម្លាំងនគរបាលជំនាញនៃអធិការដ្ឋាននគរបាលស្រុកសូទ្រនិគម សហការជាមួយកម្លាំងនគរបាលប៉ុស្ដិ៍ ធ្វើការឃាត់ខ្លួន និងរៀបចំបញ្ជូនសំណុំរឿងតាមនីតិវិធី។
គួរបញ្ជាក់ថា ករណីដែលបានកើតឡើង កាលពីថ្ងៃទី២១ ខែឧសភា ឆ្នាំ២០១៥ នៅក្នុងថ្នាក់រៀនមួយ នៃវិទ្យាល័យដំដែក ស្ថិតក្នុងឃុំដំដែក ស្រុកសូទ្រនិគម ខេត្តសៀមរាប ដែលសិស្សស្រី (ជាជនរងគ្រោះ) មានឈ្មោះ វីរៈ មណីនាថ អាយុ ១៤ ឆ្នាំ មានទីលំនៅបច្ចុប្បន្នភូមិដំដែកផ្សារ ឃុំដំដែក ស្រុកសូទ្រនិគម ខេត្តសៀមរាប និងសិស្សប្រុស (ជាជនសង្ស័យ) មានឈ្មោះ ហុង សុជី អាយុ ១៧ ឆ្នាំ មានទីលំនៅបច្ចុប្បន្នភូមិជ្រៃខាងជើង ឃុំកៀនសង្កែ ស្រុកសូទ្រនិគម ខេត្តសៀមរាប៕
