សម្តេច ហ៊ុន សែន នឹងដឹកនាំគណៈប្រតិភូចូលរួមកិច្ចប្រជុំកំពូលនៅជប៉ុនរយៈពេល ៥ថ្ងៃ
សារព័ត៌មាន Cambodia News/
ភ្នំពេញ (០២ កក្កដា ២០១៥) ៖ តបតាមការអញ្ជើញរបស់លោកស៊ីនហ្សូ អាបេ នាយករដ្ឋមន្ត្រីជប៉ុន នៅព្រឹកថ្ងៃទី០២ ខែកក្កដាស្អែកនេះ សម្តេច នាយករដ្ឋមន្ត្រី ហ៊ុន សែន នឹងដឹកនាំគណៈប្រតិភូកម្ពុជា ទៅចូលរួមកិច្ចប្រជុំ កំពូលមេគង្គ-ជប៉ុន លើកទី៧ នៅទីក្រុងតូក្យូ ប្រទេសជប៉ុន ដែលប្រព្រឹត្តទៅរយៈពេល៥ថ្ងៃ ចាប់ពីថ្ងៃទី០២ ដល់ថ្ងៃទី០៦ ខែកក្កដា ឆ្នាំ២០១៥។
ជាការកត់សម្គាល់ ក្នុងអំឡុងពេលកិច្ចប្រជុំកំពូលនេះ សម្តេច ហ៊ុន សែន នឹងអញ្ជើញចូលរួមក្នុងព្រះរាជពីធីមួយនៅព្រះបរមរាជវាំងជប៉ុន នឹងជួបជាមួយលោកតាដាម៉ូរី អូស៊ីម៉ា ប្រធានរដ្ឋសភាជប៉ុន និងលោក យ៉ាម៉ាហ្សាគី មាសាអាគី ប្រធានព្រឹទ្ធសភាជប៉ុន។ ក្រៅពីនេះ សម្តេច ហ៊ុន សែន នឹងអញ្ជើញទៅធ្វើទស្សនកិច្ចនៅទីក្រុងគីតាគ្យូស្សូ និងទីក្រុងហ្សីម៉ូណូសីកគីផងដែរ៕
