ធ្លាក់យន្ដហោះយោធាឥណ្ឌូនេស៊ីអ្នកស្លាប់កើនដល់ជាង ១៤០នាក់
សារព័ត៌មាន Cambodia News
ឥណ្ឌូនេស៊ី (០២ កក្កដា ២០១៥) ៖ តាមការបញ្ជាក់ពីមន្ដ្រីប៉ូលិសឥណ្ឌូនេស៊ីនៅថ្ងៃ០១កក្កដានេះ ចំនួនអ្នកស្លាប់ដោយសារធ្លាក់យន្ដហោះយោធាឥណ្ឌូនេស៊ី កើនឡើងដល់ជាង១៤០នាក់ហើយ។ យន្ដហោះប្រភេទC-130បានធ្លាក់ក្រោយហោះចេញពីមូលដ្ឋានបានប៉ុន្មាននាទីប៉ុណ្ណោះ រួចក៏ធ្លាក់ទៅលើសណ្ឋាគារនិងលំនៅដ្ឋានរបស់ប្រជាជននៅក្នុងក្រុងMedan លើកោះស៊ូម៉ាត្រាប្រទេសឥណ្ឌូនេស៊ី។
មន្ដ្រីយោធាឥណ្ឌូនេស៊ីបានបញ្ជាក់ថា មានមនុស្ស១២២នាក់នៅលើយន្ដហោះ គឺមានបុគ្គលិកយោធានិងក្រុមគ្រួសាររបស់ពួកគេ។ ក្រោយពេលយន្ដហោះធ្លាក់ គេគ្មានសង្ឃឹមទេថាមនុស្សនៅលើយន្ដហោះអាចមានជិវិតរស់នោះ។បន្ទាប់ពីកើតហេតុការណ៍ មនុស្សនៅលើដីតិចណាស់១៩នាក់ក៏បានស្លាប់ដែរ ហើយសាកសពរកឃើញត្រូវបញ្ជូនទៅទុកនៅមន្ទីរពេទ្យក្នុងក្រុងMedan។នេះបើតាមការបញ្ជាក់ពីមន្ទីរពេទ្យមួយក្នុងក្រុង៕
