អភិបាលរាជធានី ប្រកាសបិទអាជីវកម្ម ស៊ីសាឲ្យអស់ពី រាជធានីភ្នំពេញ
សារព័ត៌មាន Cambodia News/
ភ្នំពេញ(២៥ កុម្ភៈ ២០១៤)៖ ក្នុងឱកាស បើកសន្និបាតបូកសរុបការងារ និងលើកទិសដៅថ្មី របស់ក្រុមប្រឹក្សារាជធានីភ្នំពេញ នាព្រឹកថ្ងៃទី២៥ ខែកុម្ភៈ នេះ លោក ប៉ា សុជាតិវង្ស អភិបាលរាជធានីភ្នំពេញ បានប្រកាសឲ្យបិទអាជីវកម្មស៊ីសា ឲ្យអស់ពីរាជធានីភ្នំពេញ ព្រោះស៊ីសាបាននិងកំពុងបំពុលដល់យុវវ័យ កម្ពុជា និង សង្គមកម្ពុជាទាំងមូលផងដែរ។
ជាការកត់សម្គាល់ អាជីវកម្មស៊ីហ្សា (ហាងដែលជនបរទេសចូលកម្សាន្តនិងជក់ថ្នំាមានសារធាតុញៀន)នេះ ត្រូវបានគេមើលឃើញថា កំពុងកើតមានច្រើនក្នុងរាជធានីភ្នំពេញ ហើយអាជីវកម្មនេះមួយចំនួនបាននំាទៅដល់ការប្រើបា្រស់គ្រឿងញៀន និងកើតមានបទល្មើស ព្រមទំាងរំខានដល់ប្រជាពលរដ្ឋជិតខាងនោះថែមទៀត។
ស៊ីសា ជាភាសាអង់គ្លេស ហៅថា Shisha ឬ ភាសាអារ៉ាប់ ហៅថា ហ្សូកកាហ៍ (Hookah)។ ស៊ីសា មានដើម កំណើតក្នុងប្រទេសអេហ្ស៊ីបហើយបានបែកធ្លាយទៅកាន់តំបន់អាម៉េ រិកខាងជើង អាម៉េរិកខាងត្បូង អឺរ៉ុប អូស្ត្រាលី អាស៊ីអាគ្នេយ៍តង់ហ្សានី និងអាហ្វ្រិកខាងត្បូង ហើយវាជាគ្រឿងជក់ ដែលមានប្រជាប្រិយភាពបំផុត ចំពោះយុវវ័យ ។ នេះបើយោងតាមគេហទំព័រវិកគីលីក។
ស៊ីសា បានហូរចូលកម្ពុជាក្នុងរយៈពេលប៉ុន្មានចុងក្រោយនេះ ហើយបានធ្វើឲ្យយុវវ័យកម្ពុជា មួយចំនួនធំក្នុងរាជធា នីឈ្លក់វង្វេងយ៉ាងខ្លាំង តាមក្លឹបកម្សាន្តមួយចំនួនធំ ក៏កំពុងកាកកបផងដែរ៕