ក្រសួងសុខភាពថៃប្រកាសរកឃើញករណីឆ្លងកូរ៉ូណាលើប្តីប្រពន្ធមួយគូ
សារព័ត៌មាន Cambodia News/
បាងកក (១១ មីនា ២០២០) ៖ កាលពីថ្ងៃទី១០មីនាម្សិលមិញ ក្រសួងសុខភាពសាធារណៈថៃ បានប្រកាស អំពីករណីឆ្លងវីរុសកូរ៉ូណាថ្មី COVID-19 ចំនួន៣នាក់បន្ថែមទៀត ដែលធ្វើឱ្យថៃមានករណីនេះឡើងដល់ ៥៣នាក់។
ក្រសួងបន្តថា ករណីទី៥២ និង៥៣ គឺជាប្តីប្រពន្ធមួយគូ ប្រពន្ធមានអាយុ៤៦ឆ្នាំ មកពីប្រទេសអ៊ីតាលីវិញនៅថ្ងៃទី២៨កុម្ភៈ ហើយក្រោយមកក៏ស្រាប់តែមានអារម្មណ៍មិនស្រួល ប្តីដែលមានអាយុ៤៧ឆ្នាំ មិនបានទៅបរទេសទេ ប៉ុន្តែក៏មានអាការៈគ្រុនក្តៅខ្លាំង និងឈឺក្បាលដែរ។
ដំបូងបុរសជាប្តីទៅពេទ្យមុន ដើម្បីពិនិត្យសុខភាព ក៏រកឃើញវិជ្ជមាន COVID-19 បន្ទាប់មកប្រពន្ធក៏ទៅធ្វើតេស្តសុខភាពរកឃើញអ៊ីចឹងដែរ ពេលដឹងថា មានជំងឺនេះហើយ អ្នកទាំងពីរ ក៏សម្រេចចិត្តបានដាក់ខ្លួនឯងនៅដាច់ដោយឡែកពីគេ ក្នុងផ្ទះ បច្ចុប្បន្ន ប្តីប្រពន្ធនេះ កំពុងទទួលបានការព្យាបាលក្នុងមន្ទីរពេទ្យមួយកន្លែង នៅខេត្ត Nakhon Pathom៕
