លោកសម រង្ស៊ី ហួសចិត្តដែលថាអត្រាយុវជនគ្មានការងារធ្វើនៅកម្ពុជា មានមិនដល់១%
សារព័ត៌មាន Cambodia News/
ហ្វេសប៊ុក (០២ កញ្ញា ២០១៥) ៖ លោកសម រង្ស៊ី ប្រធានគណបក្សសង្គ្រោះជាតិ បានបង្ហោះលើទំព័រហ្វេសប៊ុករបស់ខ្លួន នៅថ្ងៃទី០១ កញ្ញា ថា លោកបានតវ៉ាច្រើនលើកហើយ ទៅធនាគារពិភពលោក អំពីតួលេខ អត្រានៃយុវជនអត់ការងារធ្វើ នៅប្រទេសកម្ពុជា។
លោកបានស្នើឲ្យ ធនាគារពិភពលោក គណនាឡើងវិញ អំពីអត្រានៃយុវជនអត់ការងារធ្វើនៅប្រទេសកម្ពុជា ដែលមានចំនួនមិនដល់ ១ ភាគរយផង ដែលជាតួលេខតិចពន់ពេក មិនអាចជឿបាន បើប្រៀបធៀបទៅនឹងប្រទេសដទៃទៀត ក្នុងពិភពលោក។
ឧទាហរណ៍ តួលេខ សម្រាប់ប្រទេសដទៃមានដូចតទៅ។
– ប្រទេសកម្ពុជា / Cambodia : 0.7% (!!!)
– ប្រទេសចិន / China : 10.1%
– ប្រទេសជប៉ុន / Japan : 6.8%
– ប្រទេសកូរ៉េខាងត្បូង / South Korea : 9.2%
– ប្រទេសម៉ាឡេស៊ី / Malaysia : 11.1%
– ប្រទេសសិង្ហបុរី / Singapore : 10.3%
– ប្រទេសថៃ / Thailand : 3.1%
– ប្រទេសវៀតណាម / Vietnam : 5.4%
– សហរដ្ឋអាមេរិក / USA : 15.8%
– ប្រទេសកាណាដា / Canada : 13.8%
– ប្រទេសបារាំង / France : 23.7%
– ប្រទេសអាល្លឺម៉ង់ / Germany : 7.8%
– ចក្រភពអង់គ្លេស / UK : 20.3%
– ប្រទេសអូស្ត្រាលី / Australia : 12.2%
លោកសម រង្ស៊ី បានបញ្ជាក់បន្ថែមថា បើយុវជនអត់ការងារធ្វើនៅប្រទេសកម្ពុជា មានចំនួនតិចដូចធនាគារពិភពលោក បានគណនានោះ មិនមែនមានយុវជនខ្មែររាប់សែននាក់ ចំណាកស្រុកទៅរកការងារធ្វើ នៅប្រទេសជិតខាងនោះទេ៕
