អាការៈរមួលក្រពើ និង ចុកខ្នង អំឡុងពេលមានផ្ទៃពោះ
សារព័ត៌មាន Cambodia News/
សុខភាព(១៣ មិនា ២០១៤)៖ ស្ត្រីមានផ្ទៃពោះតែងជួបបញ្ហា រមួលក្រពើ និង ចុកខ្នង ពេលដែលផ្ទៃពោះកាន់តែចាស់ខែ ឬ ពេលដែលទំហំពោះកាន់តែធំ ។ មនុស្សទូទៅយល់ថានេះជាអាការៈធម្មតារបស់ស្ត្រី មានផ្ទៃពោះដែលត្រូវជួបប្រទះ តែសំរាប់ស្ត្រីខ្លួនឯងពិតជាពិបាកទ្រាំ ប្រសិនបើអាការៈនេះកើតឡើងញឹកញាប់ ឬ ធ្វើអោយមានការឈឺចុកចាប់ខ្លាំង ។
រមួលក្រពើ ឬ សាច់ដុំឡើងរឹងជាអាការៈដែលម្តាយឧស្សាហ៍ជួបប្រទះ ។ បញ្ហានេះកើតឡើងភាគច្រើនមកពីសាច់ដុំកំភួនជើងបង្រួម រឹងហើយឈឺចុកចាប់ខ្លាំង អ្នកខ្លះកើតនៅ ត្រង់ភ្លៅផងដែរ ។
មូលហេតុនៃ ការរមួលក្រពើ គឺ មកពីរាងកាយខ្វះកាល់ស្យូមដែលជាសារជាតិចាំបាច់ក្នុងការធ្វើការ របស់សាច់ដុំ។ ពេលស្ត្រីមានផ្ទៃពោះ កាល់ស្យូមក្នុងខ្លួនត្រូវទារកទាញទៅ បង្កើតជាឆ្អឹង និង ធ្មេញ ដូច្នេះពេទ្យនឹងអោយកាល់ស្យូមជាថ្នាំទៅលេបក្នុងករណី ស្ត្រីមិនបានបរិភោគអាហារដែលមានសារជាតិកាល់ស្យូមគ្រប់គ្រាន់ ។
ពេលពោះប៉ោង ទៅមុខ ឆ្អឹងអាងត្រគាកពង្រីកធ្វើអោយគន្លាក់រាងរលុង ពេលដែលអ្នកក្រោកឡើង ឆ្អឹងកងខ្នង បរិវេណចង្កេះរាងកោង ត្រូវទៅទាញចង្កេះដោយបញ្ច្រាសខុសធម្មតា ធ្វើអោយសាច់ដុំខ្នង និង ចង្កេះមានការចុះខ្សោយ ។
ម្យ៉ាងទៀតអ័រម៉ូន ប្រូឆែសស្ទើរ៉ូន ធ្វើឆ្អឹងខ្ចីទូទាំងរាងកាយឡើងទន់ ដោយមានប្រសិទ្ធភាពផ្គួបជាមួយការឈរ ដើរ អង្គុយ ដែលខុសរបៀបគឺធ្វើអោយចុក បានយ៉ាងងាយ ។ ការធ្វើការងារធ្ងន់ រួមទាំងឥទ្ធិពលនៃអ័រម៉ូនផ្សេងៗ ធ្វើអោយបរិវេនគន្លាក់របស់រាងកាយសំយុង ដូចជា ក្បាលជង្គង់ បំពង់ក ចង្កេះកើតជាអាប់សែបានងាយជាងធម្មតា៕
