រដ្ឋមន្ត្រីក្រសួង​ព័ត៌មាន ប្រកាស​ចូលនិវត្តន៍​នៅឆ្នាំ២០១៨

សារព័ត៌មាន​ Cambodia News​/

ភ្នំពេញ​ (០៥ តុលា ២០១៥) ៖ ​​ក្នុង​កិច្ចប្រជុំ​ប្រចាំឆ្នាំ លើក​ទី​២ ស្តីពីការឆ្លើយ​ឆ្លង​ព័ត៌មាន​តាម​ទូរទស្សន៍​ឆ្នាំ​២០១៥ កាលពី​ព្រឹក​ថ្ងៃទី០​៥ ខែតុលា ឆ្នាំ​២០១៥នេះ នៅ​ក្រសួង​ព័ត៌មាន លោក ​ខៀវ កាញារីទ្ធ រដ្ឋមន្ត្រីក្រសួង​ព័ត៌មាន បានប្រកាស​ប្រាប់​ក្រុម​អ្នកសារព័ត៌មាន​ថា លោក​ចូលនិវត្តន៍​នៅ​ឆ្នាំ២០១៨ គឺ​ដើម្បី​ទុក​ឱកាស​ឲ្យ​រដ្ឋមន្ត្រី​ក្មេងៗ ដែលមាន​សមត្ថភាព​ខ្ពស់ៗ ធ្វើការ​ម្តង​។​

លោក ​ខៀវ កាញារីទ្ធ រដ្ឋមន្ត្រីក្រសួង​ព័ត៌មាន បាន​មានប្រសាសន៍ថា “​ខ្លួន​ខ្ញុំ​ល្មម​ដល់ពេល​ចូលនិវត្តន៍​ហើយ ដូច្នេះ​នៅ​អាណត្តិ​នេះ ទុក​ឲ្យ​ក្មេងៗ​ធ្វើការ​ម្តង​”។

លោក​​ថា យើង​មើលឃើញ​ហើយ​ថា ឥឡូវនេះមាន​រដ្ឋមន្ត្រី​ក្មេងៗ​ច្រើនណាស់សុទ្ធ​តែមាន​សមត្ថភាព ដែល​សុទ្ធតែ​ល្អ​ដែល​ជាការ​មួយ​ដែល​យើង​ត្រូវ​សាកល្បង ហើយក៏​ទទួលបាន​លទ្ធផល​ល្អ​ច្រើន ដូច្នេះ​ខ្ញុំ​សង្ឃឹមថា នឹងមាន​អ្នក​មក​បន្តវេន​ថែមទៀត​។​

​សូមបញ្ជាក់ថា លោក​ ខៀវ កាញារីទ្ធ បាន​ចូលកាន់​តំណែង ជា​រដ្ឋមន្ត្រីក្រសួង​ព័ត៌មាន តាំងពី​ឆ្នាំ​២០០៣​៕​

6

 

Related Articles

Back to top button
Close
Close