សង្សារវ័យក្មេង១គូរ នាំគ្នាទៅចាក់សម្លាប់ខ្លួនក្នុងបន្ទាប់ថ្នាក់រៀន
សារព័ត៌មាន Cambodia News/
កំពង់ចាម (០៣ តុលា ២០១៤) ៖ គូស្នេហ៍វ័យក្មេង ដែលគេសង្ស័យថា មានវិបត្តិស្នេហ៍ បាននាំគ្នាចូលក្នុងសាលារៀន យកកាំបិតចាក់លើខ្លួនឯង ជាច្រើនកាំបិតដើម្បីសម្លាប់ខ្លួន ខាងស្រីស្លាប់បាត់បង់ជីវិតចំណែកខាងប្រុស ត្រូវក្រុមគ្រួសារ ដឹកយកទៅសង្គ្រោះនៅមន្ទីរពេទ្យ។
កម្លាំសមត្ថកិច្ចបានឲ្យដឹងថា ឃាតកម្ម កើតចេញពីវិបត្តិស្នេហ៍នេះ បានកើតឡើងនៅ ម៉ោង ២ និង៣០នាទីរសៀលថ្ងៃទី០២ ខែតុលា ឆ្នាំ២០១៤ នៅវិទ្យាល័យ «ហ៊ុនសែនខ្ចៅ» ស្ថិតក្នុងឃុំខ្ចៅ ស្រុកកងមាស ខេត្តកំពង់ចាម។
មន្ត្រីនគរបាលដដែល បានឲ្យដឹងថា នារីជាគូសង្សារ ដែលបានស្លាប់បាត់បង់ជីវិតទៅហើយនោះ មានឈ្មោះ ធី លីនដា អាយុ ១៩ឆ្នាំ មានទីលំនៅក្នុងភូមិកោះតាង៉ោទី៣ ឃុំហ្សាគង ស្រុកកងមាស។
នៅលើសពនារីរូបនេះ មានស្នាមកាំបិត នៅលើដោះខាងស្តាំ១កាំបិត ក្រោមដោះស្តាំ ២កាំបិត ចុងដង្ហើម១កាំបិត។ រីឯខាងប្រុស ដែលកំពុងជួយសង្គ្រោះបន្ទាន់នោះ មានឈ្មោះ ទី រដ្ឋា អាយុ ២០ឆ្នាំ នៅទីលំនៅក្នុងភូមិបឹងសាងលិច ឃុំសារគង ស្រុកកងមាស រងរបួសចំដោះខាងឆ្វេង២កាំបិត ក្រោមចុងដង្ហើម១កាំបិត។
មន្ត្រីនគរបាល បានបញ្ជាក់ថា ជនរងគ្រោះទាំងពីរគឺជាគូសង្សារនឹងគ្នា ហើយកើតមានវិបត្តស្នេហ៍ តែមិនទាន់ដឹងថា បង្កចេញពីមូលហេតុអ្វីនោះទេ រួចក៏ដឹកដៃគ្នាចូលទៅ ក្នុងបន្ទប់រៀនចាក់សម្លាប់ខ្លួន ទាំងពីរនាក់ តែម្តង ក្នុងបំណងឲ្យទុក្ខវិបត្តិទាំងអស់បានបញ្ចប់ទៅតាមជីវិតរបស់ពួកគេ៕
