នគរបាលប្រឆាំងបទល្មើសសេដ្ឋកិច្ចចុះបង្ក្រាបហាងផលិតគ្រឿងក្រអូបក្លែងក្លាយ
ភ្នំពេញ ៖ នៅរសៀលថ្ងៃទី៤ ធ្នូ ២០១២នេះ កម្លាំងនគរបាល ការិយាល័យ ប្រឆាំងបទល្មើស សេដ្ឋកិច្ចរាជ ធានីភ្នំពេញ ដឹកនាំដោយព្រះរាជអាជ្ញារង គឺ ប៊ុណ្ណារ៉ា បាន នឹងកំពុងចុះបង្ក្រាបនិងឆែកឆេរហាងលក់ គ្រឿងក្រអូបក្លែងក្លាយ និងមិនមានច្បាប់ អនុញ្ញាតត្រឹមត្រូវពីក្រសួងនិងស្ថាប័នជំនាញ។
ទីតាំងហាង ដែលមានយីហោថា Beauty Buffetស្ថិតនៅផ្ទះលេខ៨៤BI តាមបណ្ដោយផ្លូវលេខ១៥៤ សង្កាត់ផ្សារថ្មីទី៣ ខណ្ឌដូនពេញ ។
មន្ដ្រីនគរបាលប្រឆាំងបទល្មើសសេដ្ឋកិច្ច ម្នាក់បានថ្លែងថា ពីមុនហាងមួយនេះ មាន ថៅកែពីរនាក់ រកស៊ីរួមគ្នា ប៉ុន្ដែក្រោយពីការ បែកបាក់ ថៅកែម្នាក់ បានបន្ដរកស៊ី ប៉ុន្ដែពេលនាំផលិតផលក្រអូបមកពីក្រៅ គឺកែច្នៃ ទៅជាពីរប្រភេទ ហើយបិទតែម ផ្ដេសផ្ដាស់មិនមានការទទួលស្គាល់និងអា ជ្ញាប័ណ្ណត្រឹមត្រូវ។
យ៉ាងណាក៏ដោយ សមត្ថកិច្ចមិនទាន់បាន បញ្ជាក់ពីចំនួនផលិតផលក្លែងក្លាយ ដែលរឹបអូសបាននោះទេ ខណៈកំពុងចុះឆែកឆេរនៅឡើយ រហូតមកដល់វេលាម៉ោង៤រសៀលថ្ងៃដដែលនេះ៕
ដោយ៖ ហេង នាង
