ប័ណ្ណចូលទស្សនាតំបន់អង្គរនឹងដំឡើងថ្លៃចាប់ពីថ្ងៃនេះ
សារព័ត៌មាន Cambodia News/
សៀមរាប (០១ កុម្ភៈ ២០១៧) ៖ ចាប់ពីថ្ងៃទី០១ ខែកុម្ភៈ ឆ្នាំ២០១៧ នេះតទៅ តម្លៃប័ណ្ណចូលទស្សនារមណីយដ្ឋានតំបន់អង្គរនឹងតំឡើងថ្លៃ ដោយតម្លៃប័ណ្ណត្រូវបានបែងចែកជា៣ប្រភេទ៖ ១. ប្រភេទប័ណ្ណចូលទស្សនា១ថ្ងៃ មានតម្លៃ៣៧ដុល្លារ, ២. ប្រភេទប័ណ្ណចូលទស្សនា៣ថ្ងៃ មានតម្លៃ៦២ដុល្លារ និងមានសុពលភាព១០ថ្ងៃ និង៣. ប្រភេទបណ្ណចូលទស្សនា៧ថ្ងៃ មានតម្លៃ៧២ដុល្លារ និងមានសុពលភាព០១ខែ។
ចំពោះថវិការ ដែលបានពីការលក់ប័ណ្ណក្នុងមួយសន្លឹកនឹងត្រូវដក២ដុល្លារ ដើម្បីចូលមូលនីធិមន្ទីរពេទ្យគន្ធបុប្ផា ទុកសម្រាប់ជួយសង្គ្រោះកុមារក្រីក្រ៕
