អ្នកឧកញ៉ា គិត ម៉េង ជាប់ឆ្នោតជាប្រធានសភាពាណិជ្ជកម្មកម្ពុជា
សារព័ត៌មាន Cambodia News/
ភ្នំពេញ (៣០ វិច្ចិកា ២០១៥) ៖ សេដ្ឋីដ៏ល្បីឈ្មោះ និងលេចធ្លោរនៅកម្ពុជា ក្នុងចំណោមសេដ្ឋីៗជាច្រើនរូបទៀត អ្នក ឧកញ៉ា គិត ម៉េង ត្រូវបានជាប់ឆ្នោតជាប្រធានសភាពាណិជ្ជកម្មកម្ពុជា និងជាប់ជាប្រធានសភាពាណិជ្ជកម្មរាជធានីភ្នំពេញសារជាថ្មី។
ការរក្សាតំណែងបានរបស់អ្នកឧកញ៉ា គិត ម៉េង តាមរយៈពិធីបោះឆ្នោតជ្រើសរើសប្រធានសភាពាណិជ្ជកម្មកម្ពុជា និងសភាពាណិជ្ជកម្មរាជធានីភ្នំពេញ អាណត្តិទី៣ ក្រោមអធិបតីភាព លោកម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម និងលោកអភិបាលរាជធានីភ្នំពេញប៉ា សុជាតិវង្ស នារសៀលថ្ងៃទី២៩វិច្ឆិកា នៅអគ្គនាយកដ្ឋានសភាពាណិជ្ជកម្មកម្ពុជា។
នេះបើតាមការឱ្យដឹងនៅក្នុងទំព័រហ្វេសប៊ុក លោក ប៉ា សុជាតិវង្ស៕
