ម៉ាឡេស៊ីតាមរកចាប់ខ្លួនជនសកម្មប្រយុទ្ធជិត៣០០នាក់នៅលើកោះ Borneo
ម៉ាឡេស៊ី និយាយថា ខ្លួនកំពុងតែពង្រីកកម្លាំងតាមចាប់ខ្លួនជនសកម្ម ប្រយុទ្ធមួយក្រុម មានគ្នាដល់ទៅ៣០០នាក់ ដែលបានចូលមកកោះ Borneo របស់ម៉ាឡេស៊ី កាលពីពេល៣អាទិត្យកន្លងទៅនេះ ដោយបានទាមទារយកដីកោះ នេះឲ្យព្រះចៅស៊ុលតង់របស់ពួកគេ។
កាលពី ម្សិលមិញនេះម៉ាឡេស៊ី បានបញ្ជូនកងទ័ពនិងយន្តហោះចម្បាំងឲ្យទៅទម្លាក់គ្រាប់បែកដើម្បី បណ្ដេញពួកជនសកម្មប្រយុទ្ធទាំងនេះចេញពីកោះសាបា។
ក្រុម ជនសកម្មប្រយុទ្ធបានទាមទារយកកោះសាបាឲ្យស្ដេចស៊ុលតង់មកពីស៊ូលូនៃ ប្រទេសហ៊្វីលីពីន។ រាជវង្សស៊ុលតង់នេះបានគ្រប់គ្រងតំបន់នោះអស់ពេលជា ច្រើនសតវត្សរ៍ មុនពេលម៉ាឡេស៊ីកាន់កាប់តំបន់នេះ។មកទល់ពេលនេះមានមនុស្ស២៨នាក់បា នស្លាប់នៅក្នុងទំនាស់នេះ។
រដ្ឋមន្រ្ដី ការបរទេសហ៊្វីលីពីនដែលទើបតែត្រលប់មកពីការប្រជុំពិភាក្សានៅប្រទេស ម៉ាឡេស៊ីដើម្បីបញ្ចប់ទំនាស់ដែលមានរយៈពេល៣អាទិត្យមកហើយនោះ មានប្រសាសន៍ថា ការចរចាដើម្បីបញ្ចប់ដោយសន្តិវិធី នូវរឿងវិបត្តិដណ្ដើមដែនដីនេះ កំពុងតែធ្វើឡើងជាបន្តតទៅទៀត។
នៅគ្រានេះដែរ អង់គ្លេស និងអាម៉េរិកបានផ្ដល់ព័ត៌មានដល់ពលរដ្ឋខ្លួនកុំឲ្យទៅតំបន់នោះ៕ (Radio Australia)
