សហភាពអឺរ៉ុបស្នើសាលាក្ដីខ្មែរក្រហម កាត់បន្ថយបុគ្គលិក ដែលមិនចាំបាច់
Cambodia News
ភ្នំពេញ៖ កាលពីថ្ងៃទី២៧ ខែមិនា ឆ្នាំ២០១៣ សហភាពអឺរ៉ុបបានទាមទារភាគីរដ្ឋាភិបាលតំណាងសាលាក្ដី កាត់បន្ថយបុគ្គលិក ដែលមិនចាំបាច់ ដើម្បីប្រើប្រាស់កញ្ចប់ជំនួយ ចំគោលដៅ និង មានប្រសិទ្ធភាព ។
ប្រធាននាយកដ្ឋានសារគមនាគមន៏នៅទីស្ដីការគណៈរដ្ឋមន្ត្រី លោក ឱម ច័ន្ទតារា បានថ្លែងថា ការទាមនទារឲ្យកាត់បន្ថយបុគ្គលិក ដែលមិនចាំបាច់នេះបានធ្វើឡើងនៅក្នុងជំនួបបិទទ្វារមួយ រវាងឯកអគ្គរដ្ឋទូតសហភាពអឺរ៉ុបលោក ហ្សង់-ហ្វ្រង់ស្វ័រ កូតាំង (Jean-Francois Cautain) និង លោកសុខ អាន ឧនាយករដ្ឋមន្ត្រី ទទួលបន្ទុកសាក្ដីខ្មែរក្រហម ។
គួរបញ្ជាក់ថា ភាគីជាតិនៃសាលាក្ដីខ្មែរក្រហមពេលនេះបានប្រឈម បញ្ហាកង្វះខាតថវិកាប្រមាណ៧លានដុល្លារ ។កាលពីពេលថ្មីៗ បុគ្គលិកផ្នែកបកប្រែភាសារ ជាច្រើននាក់ បានធ្វើកូដកម្ម មិនចូលបំរើការងារ ខណៈដែលសាលាក្ដីពហុជាតិនេះបានជំពាក់ប្រាក់ខែពួកគេ យ៉ាងហោចណាស់់៣ខែ ប៉ុន្តែក្រោយមកដោយមានការសម្របសម្រួល ទើបក្រុមបុគ្គលិកទាំងនោះចូលបំរើ ការងារវិញ ៕
