មនុស្ស ១០នាក់បានស្លាប់បន្ទាប់ពីរថភ្លើងពីរគ្រឿងបុកគ្នានៅអាល្លឺម៉ង់
សារព័ត៌មាន Cambodia News/
អាល្លឺម៉ង់ (១០ កុម្ភៈ ២០១៦) ៖ យ៉ាងហោចណាស់មនុស្ស ១០នាក់បានស្លាប់បាត់បង់ជីវិត និងជាច្រើននាក់ផ្សេងទៀតរងរបួស នៅក្នុងហេតុការណ៍រថភ្លើងដឹកអ្នកដំណើរពីរគ្រឿងបុកគ្នាយ៉ាងពេញទំហឹង នៅក្នុងប្រទេសអាល្លឺម៉ង់។ ហេតុការណ៍នេះបានកើតឡើងកាលពីព្រឹកមុនម៉ោង៧ម៉ោងក្នុងតំបន់ ថ្ងៃទី០៩កុម្ភៈ នៅតំបន់ភាគខាងត្បូងប្រទេស។ នេះបើតាមការបញ្ជាក់ពីប៉ូលិស។
បច្ចុប្បន្ន អាជ្ញាធរអាល្លឺម៉ង់កំពុងបើកការស៊ើបអង្កេត ពីហេតុការណ៍ដែលរថភ្លើងដឹកអ្នកដំណើរពីគ្រឿងបានបើកបុកគ្នា។ ប្រព័ន្ធផ្សព្វផ្សាយបានរាយការណ៍ថា កំហុសបច្ចេកទេសរបស់អ្នកបើកបរ ត្រូវបានគេស្ដីបន្ទោសថា ជាដើមហេតុធ្វើឲ្យរថភ្លើងមួយគ្រឿងបានរអិលចូលទៅក្នុងផ្លូវរថភ្លើង មួយផ្សេងទៀត។យ៉ាងណាមិញព័ត៌មានច្បាស់ការ នៅមិនទាន់មានការបញ្ជាក់នោះទេ៕ ប្រែសម្រួលដោយសារព័ត៌មាន Cambodia News (ប្រភពពី៖ BBC)
