មនុស្សរាប់សិបនាក់រងរបួសក្នុងហេតុការណ៍បាក់អគារនៅទីក្រុងតូរ៉ុនតូ ប្រទេសកាណាដា
សារព័ត៌មាន Cambodia News/
កាណាដា (២០ មេសា ២០១៦) ៖ នាយកដ្ឋានពន្លត់អគ្គីភ័យនៅទីក្រុងធំបំផុតរបស់ប្រទេសកាណាដាមួយនេះ បានឲ្យដឹងកាលពីថ្ងៃចន្ទថា ហេតុការណ៍បាក់អគារ នៅក្នុងទីក្រុងតូរ៉ុនតូ បានបណ្តាលឲ្យមនុស្សរាប់សិបនាក់រងរបួស។
លោកកាពីតែនម៉ៃឃើល វ៉េសវូដ មកពីនាយកដ្ឋានពន្លត់អគ្គីភ័យក្រុងតូរ៉ុនតូ បាននិយាយប្រាប់ស្ថានីយផ្សព្វផ្សាយកាណាដាថា មនុស្ស៤នាក់ ត្រូវបានជួយសង្គ្រោះ ចេញពីក្រោមគំនរបាក់បែក ក្នុងនោះ៣នាក់ ត្រូវបានបញ្ជូនទៅកាន់មន្ទីរពេទ្យ ហើយមនុស្ស៣–៤នាក់ផ្សេងទៀត បានរងរបួស និងទទួលបានការព្យាបាលនៅនឹងកន្លែងកើតហេតុ។
លោកវ៉េសវូដ បានបញ្ជាក់ទៀតថា អគារមួយនេះទំនងជាស្ថិតនៅក្នុងដំណើរការវាយកម្ទេចចោល ហើយផ្នែកខ្លះនៃអគារ បានបាក់សង្កត់មកលើចញ្ចើមផ្លូវ ស្ថិតនៅភាគកណ្តាលនៃទីក្រុងតូរ៉ុនតូ។
បច្ចុប្បន្នប្រតិបត្តិការជួយសង្គ្រោះ កំពុងបន្ត តែគេជឿជាក់ថា គ្មានជនរងគ្រោះណាម្នាក់នៅជាប់ខាងក្រោមអគារនោះទេ៕
