គ្រោះរញ្ជួយដីនៅជប៉ុន ប៉ះពាល់យ៉ាងខ្លាំងដល់សេដ្ឋកិច្ចជាតិ
សារព័ត៌មាន Cambodia News/
ជប៉ុន (២០ មេសា ២០១៦) ៖ គ្រោះរញ្ជូយដីនៅកោះភាគខាងត្បូងគ្យូស៊ូរបស់ជប៉ុន បានធ្វើឲ្យទីផ្សារភាគហ៊ុនធ្លាក់ចុះកាលពីថ្ងៃចន្ទ ហើយលោកឆិន សេង ដែលជាទីប្រឹក្សាវិនិយោគិនជប៉ុន មានជំនឿយ៉ាងមុតថា វានឹងអាចប៉ះពាល់រយៈពេលយូរដល់ជំនឿចិត្តរបស់អ្នកប្រើប្រាស់។
បន្ទាប់ពីភាពទន់ខ្សោយកើតឡើងបែបនេះ ទីផ្សារភាគហ៊ុន Nikkei Stock Average បាន ធ្លាក់ចុះជាង៣ភាគរយ ត្រឹមរយៈពេល៤០នាទីប៉ុណ្ណោះ កាលពីថ្ងៃចន្ទ ពោលគឺរយៈពេល២ថ្ងៃ ក្រោយពេលគ្រោះរញ្ជួយដីដ៏ខ្លាំងក្លាទី២ បានកើតមាននៅខេត្តគូម៉ាម៉ូតូ របស់ប្រទេសជប៉ុន។
គ្រោះរញ្ជួយ ដីនេះដែរ បានជម្រុញឲ្យរោងចក្រផលិតកម្មក្នុងស្រុកជាច្រើនកន្លែងបង្ខំចិត្ត ទ្វារ ហើយក្រុមហ៊ុនរថយន្ត Toyota បានប្រកាស ឲ្យដឹងថា ខ្លួននឹងផ្អាកផលិតកម្មមួយចំនួន ចាប់ពីថ្ងៃចន្ទ រហូតដល់ថ្ងៃសៅរ៍ ហើយការផ្អាកនេះដែរ ត្រូវបានគេរំពឹងថា នឹងធ្វើទិដ្នផលរថយន្តធ្លាក់ចុះយ៉ាងហោចណាស់ក៏៥ម៉ឺនគ្រឿងផងដែរ។
សូមបញ្ជាក់ថា តំបន់កោះគ្យូស៊ូ គឺជាកន្លែងផ្តល់ទិន្នផលរថយន្តក្នុងស្រុកជប៉ុនជាង១០ភាគរយ ហើយក៏ជាបណ្តុំក្រុមហ៊ុនផលិតគ្រឿងបន្លាស់ដ៏សំខាន់មួយផងដែរ៕
