អ្នកសារព័ត៌មាន ២៨ នាក់ចុះស្វែងយល់ដោយផ្ទាល់ពីប្រសិទ្ធភាពនៃការអនុវត្តច្បាប់ចរាចរណ៍ផ្លូវគោក
សារព័ត៌មាន Cambodia News/
ដោយ ៖ ហេង នាង/
ភ្នំពេញ (២៩ មេសា ២០១៦) ៖ កាលពីថ្ងៃទី២៨ ខែមេសា អ្នកសារព័ត៌មានជាតិប្រមាណ ២៨ នាក់ ដែលមកពីស្ថាប័នផ្សេងៗគ្នា និងមន្ត្រីជាន់ខ្ពស់នគរបាលចរាចរណ៍នៅថ្នាក់ជាតិ ខេត្ត-រាជធានី និងក្រុង-ស្រុក-ខណ្ឌ បានចូលរួមក្នុងដំណើរទស្សនៈកិច្ចដើម្បីស្វែងយល់ពីស្ថានភាព សុវត្ថិភាពចរាចរណ៍នៅលើដងផ្លូវមួយចំនួនក្នុងប្រទេសកម្ពុជានាពេល បច្ចុប្បន្ន ដែលរៀបចំធ្វើឡើងដោយអង្គការមូលនិធិបង្ការរបួសអាស៊ីប្រចាំប្រទេស កម្ពុជា។
ដំណើរទស្សនៈកិច្ចនេះធ្វើឡើងក្នុងគោលបំណងលើកទឹកចិត្ត និងជំរុញឲ្យមានការចូលរួមកាន់តែសកម្មឡើងពីអ្នកសារព័ត៌មានដោយ ធ្វើការគ្របដណ្តប់ព័ត៌មានឲ្យបានយ៉ាងទូលំទូលាយ និងមានប្រសិទ្ធភាពអំពីរឿងរ៉ាវសំខាន់ៗនានាពាក់ព័ន្ធនឹងការពាក់ មួកសុវត្ថិភាព បន្ទាប់ពីច្បាប់ចរាចរណ៍ផ្លូវគោក ដែលនៅក្នុងនោះបានកំណត់ពីការពាក់មួកសុវត្ថិភាពសម្រាប់អ្នករួមដំ ណើរតាមទោចក្រយានយន្តបានអនុវត្តអស់រយៈពេលជិត៤ ខែមកនេះ។
អ្នក សារព័ត៌មាន ដែលមកពីស្ថាប័នផ្សេងៗគ្នានឹងចុះទៅជួបផ្ទាល់ជាមួយមន្ត្រីជាន់ ខ្ពស់នគរបាលចរាចរណ៍ និងកម្លាំងនគរបាលចរាចរណ៍ ដែលទទួលបន្ទុកអនុវត្តច្បាប់លើដងផ្លូវនៅតាមរាជធានី-ខេត្តគោល ដៅចំនួន៣របស់គម្រោង រូមមានរាជធានីភ្នំពេញ ខេត្តកណ្តាល និងខេត្តកំពង់ស្ពឺ ដើម្បីធ្វើការជជែកពិភាក្សាជាមួយមន្ត្រីអ្នកអនុវត្តច្បាប់ទាំង នោះ ដែលកំពុងខិតខំធ្វើការឆ្លើយតបនឹងបញ្ហាប្រឈមដ៏ធ្ងន់ធ្ងរនៅដងផ្លូវ។
ឯកឧត្តឧត្តមសេនីយ៍ទោ ទី ឡុង តំណាងនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈនៃអគ្គស្នងការនគរបាលជាតិបានមានប្រសាសន៍ថា បច្ចុប្បន្ននេះ ទំនាក់ទំនងជាមូលដ្ឋានរវាងមន្ត្រីនគរបាលចរាចរណ៍ និងអ្នកសារព័ត៌មាននៅមានកម្រិតនៅឡើយ បើទៅបីជាយើងបំពេញការងារប្រភេទសុខគ្នា ប៉ុន្តែវាអាចបំពេញឲ្យគ្នាទៅវិញទៅមកបាន ក្នុងការខិតខំធ្វើឲ្យដងផ្លូវកាន់តែមានសុវត្ថិភាពសម្រាប់យើង គ្រប់ៗគ្នា។
ជាមួយគ្នានោះលោក គឹម បញ្ញា នាយកអង្គការមូលនិធិបង្ការរបួសអាស៊ីប្រចាំប្រទេសកម្ពុជាបានមាន ប្រសាសន៍ថា ដំណើរទស្សនៈកិច្ចនាពេលនេះ ព្រមទាំងសកម្មភាពផ្សេងៗទៀតរបស់គម្រោង“សុវត្ថិភាពចរាចរណ៍នៅលើដង ផ្លូវ សហគមន៍មានសុវត្ថិភាព” បាននឹងកំពុងអនុវត្តយ៉ាងសកម្មក្នុងគោលដៅឆ្ពោះទៅរកការបង្កើតការ យល់ដឹងរបស់អ្នកពាក់ព័ន្ធក្នុងសហគមន៍ឲ្យបានទូលទូលំទូលាយអំ ពីបញ្ហាសុវត្ថិភាពចរាចរណ៍ ដែលជួយឲ្យយើងអាចធ្វើការទំនាក់ទំនងបានយ៉ាងត្រឹមត្រូវនូវសារ អប់រំនានាទៅកាន់សាធារណៈ។
គួរបញ្ជាក់ថា ដំណើរទស្សនៈកិច្ចនេះជាសកម្មភាពមួយរបស់គម្រោង “សុវត្ថិភាពចរាចរណ៍នៅលើដងផ្លូវ សហគមន៍មានសុវត្ថិភាព” ដែលទទួលបានការគំាទ្រពីមូលនិធិក្រុមហ៊ុន UPS ហើយ ដែលបានដាក់បញ្ចូលជាផ្នែកមួយដល់គម្រោង“មួកសុវត្ថិភាពមួយ ជួយជជីវិតបានម្នាក់” ក្រោមជំនួយឧបត្ថម្ភពីទីភ្នាក់ងារសហរដ្ឋអាមេរិកសម្រាប់ អភិវឌ្ឍន៍អន្តរជាតិ (USAID)៕
