កម្ពុជាបានសុខសាន្តមកទល់សព្វថ្ងៃព្រោះវីរះភាពរបស់ សម្តេច ហ៊ុន សែន
សារព័ត៌មាន Cambodia News/
ភ្នំពេញ (១១ វិច្ចិកា ២០១៥) ៖ សម្តេច ហ៊ុន សែន នាយករដ្ឋមន្ត្រីប្រទេសកម្ពុជា បានសរសេរលើហ្វេសប៊ុកផ្ទាល់របស់ខ្លួននៅថ្ងៃទី១១ វិច្ឆិកានេះថា លក្ខណៈសម្បត្តិពិសេសរបស់លោក ដែលកម្ពុជាត្រូវការចាំបាច់បំផុតនោះគឺ គម្រូវីរៈភាពអង់អាចក្លាហាន ដែលបានស្ម័គ្រចិត្តលះបង់គ្រួសារ ដោយមិនខ្លាចបាត់បង់អាយុជីវិត ក្នុងការរំដោះប្រទេសជាតិ បញ្ចប់សង្គ្រាម ព្រមទាំងបានបង្រួបបង្រួមជាតិខ្មែរទាំងមូលអោយបានរួមរស់នៅក្នុងសង្គមជាតិតែមួយដោយគ្មានការរើសអើង។
សម្តេចបន្តថា ដោយសារអតីតភាពជាប្រវត្តិសាស្ត្រនោះហើយ ទើបកម្ពុជាបានសុខសាន្តមកទល់សព្វថ្ងៃ ដោយបានប្រែក្លាយកម្ពុជាពីវាលពិឃាត មកកម្ពុជាអច្ឆរិយៈរស់ឡើងវិញ ដែលជាមោទនៈភាពរបស់ខ្មែរគ្រប់រូប។
សម្តេចបញ្ជាក់បន្ថែមថា លោកពេញចិត្តក្នុងការបម្រើប្រជាពលរដ្ឋទោះបីក្នុងកាលៈទេសៈណាក៏ដោយ។ មោទនៈភាពរបស់លោក គឺខ្មែរឈ្នះទាំងអស់គ្នា ខ្មែរបានសុខគ្រប់គ្នា និងប្រទេសជាតិរីកចម្រើនទៅមុខ៕
