ពលរដ្ឋអេហ្ស៊ីបនាំគ្នាអុចទានរំលឹកដល់ជនរងគ្រោះដែលស្លាប់ក្នុងហេតុការណ៍ធ្លាក់យន្តហោះ EgyptAir
សារព័ត៌មាន Cambodia News/
អេហ្ស៊ីប (២៧ ឧសភា ២០១៦) ៖ ពលរដ្ឋអេហ្ស៊ីបរាប់រយនាក់ កាលពីថ្ងៃព្រហស្បតិ៍ម្សិលមិញនៅពីធីអុចទាន សម្រាប់រំលឹកដល់ជនរងគ្រោះនៃជើងហោះរបស់ក្រុមហ៊ុន EgyptAir ដែលបានធ្លាក់ក្នុងសមុទ្រមេឌីទែរ៉ាណេកាលពីសប្ដាហ៍មុន ក្នុងនោះរដ្ឋមន្ត្រីក្រសួងអាកាសចរណ៍ស៊ីវិលរបស់ប្រទេសអេហ្ស៊ីប និងឯកអគ្គរដ្ឋទូតបារាំងប្រចាំទីក្រុងគែរក៏ បានចូលរួមដែរ។
សមាជិក ក្រុមគ្រួសារ និងមិត្តរួមការងាររបស់អ្នកដំណើរលើយន្តហោះ បានប្រមូលផ្ដុំគ្នានៅខាងមុខសាលរបាំអូប៉េរ៉ាក្នុងទីក្រុងគែរ ដើម្បីបញ្ជូនសារនៃការអាណិតអាសូរ និងសាមគ្គីភាពដល់អ្នកដែលបានស្លាប់ទៅ។
ហ្វូងមនុស្សបានប្រមូល ផ្ដុំគ្នានៅខាងមុខវេទិកាមួយ ជាទីដែលមានបដាជាមួយចំនួនជនរងគ្រោះ ៦៦នាក់បានកំពុងចងព្យួរ មនុស្សភាគច្រើនកាន់ផ្កា ,ទាន និងទង់ជាតិអេហ្ស៊ីប ចំណែកអ្នកខ្លះត្រូវគេមើលឃើញថា កំពុងបួងសួងយ៉ាងស្ងៀមស្ងាត់។
គួររម្លឹកថា ជើងហោះ MS804 របស់ក្រុមហ៊ុន EgyptAir បានធ្លាក់កាលពីព្រឹកថ្ងៃទី១៩ ឧសភា ជាមួយមនុស្សសរុប ៦៦នាក់ក្នុងនោះមានជនជាតិអេហ្ស៊ីប ៣០នាក់ និងបារាំង ១៥នាក់៕
