រយៈពេល ៤ខែដំបូងការផ្ទេរប្រាក់មកទីក្រុងហូជីមិញកើនឡើង1,3ប៊ីលានដុល្លារ
សារព័ត៌មាន Cambodia News/
វៀតណាម (៣០ ឧសភា ២០១៦) ៖ ការផ្ទេរប្រាក់មកកាន់ទីក្រុងហូជីមិញ ក្នុងរយៈពេល៤ខែដំបូង នេះមានចំនួន១,៣ប៊ីលានដុល្លារ ពោលគឺវាបានកើនឡើង២១១លានដុល្លារ បើធៀបនឹងខែមុន ។
អគ្គនាយករងនៃធនាគារជាតិវៀតណាម (SBV) ប្រចាំទីក្រុងហូជីមិញ លោក Nguyen Hoang បានមានប្រសាសន៍ថា ៖ « ចំនួនទឹកប្រាក់បានកើនឡើង២% បើធៀបនឹងរយៈពេលដូចគ្នាកាលពីឆ្នាំមុន » ។
អ្នកជំនាញ បានព្យាករថា ៖ « ការផ្ទេរប្រាក់មកកាន់ទីក្រុងហូជីមិញនៅឆ្នាំនេះ នឹងបន្តមានសុទិដ្ឋិនិយម ដែលមានចំនួនប្រមាណ៥,៥ប៊ីលានដុល្លារ ដែលនេះគួរតែអរគុណដល់កំណើនសេដ្ឋកិច្ចរបស់ទីក្រុង » ។
ការផ្ទេរ ប្រាក់មកប្រទេសវៀតណាមនៅឆ្នាំនេះ មានការកើនឡើងបន្តិច បើធៀបនឹងឆ្នាំមុន ដោយសារតែគោលនយោបាយលើកទឹកចិត្តរបស់រដ្ឋាភិបាលលើការលើកស្ទួយការ វិនិយោគបរទេសនៅលើទឹកដីវៀតណាម ក៏ដូចជាទីផ្សារអចលនទ្រព្យក្នុងស្រុកមានដំណើរការល្អផងដែរ ។
យោង តាមធនាគារពិភពលោកបានឲ្យដឹងថា ប្រទេសវៀតណាមបានទទួលការផ្ទេរប្រាក់ពីប្រទេស ចំនួន១២,៣ប៊ីលានដុល្លារនៅឆ្នាំ២០១៥ ។ វៀតណាម គឺជាប្រទេសដែលទទួលការផ្ទេរប្រាក់ធំជាងគេក្នុងលេខរៀងទី១១ នៅលើពិភពលោក និងលេខរៀងទី៣ ប្រចាំតំបន់អាស៊ីប៉ាស៊ីហ្វិក បន្ទាប់ពីប្រទេសចិន និងហ្វ៊ីលីពីន ៕
