ខ្យល់ព្យុះនៅចិនភាគខាងកើតបណ្តាលឲ្យមនុស្ស ៧៨នាក់ស្លាប់ និង ៥០០នាក់រងរបួស
សារព័ត៌មាន Cambodia News/
ចិន (២៤ មិថុនា ២០១៦) ៖ កាលពីថ្ងៃទី២៣ មិថុនា ទីភ្នាក់សារព័ត៌មានស៊ីនហួបានរាយការណ៍ថា ខ្យល់ព្យុះនិងភ្លៀងធ្លាក់ដ៏ខ្លាំងបានសម្លាប់មនុស្សចំនួន ៧៨នាក់ និងបណ្តាលឱ្យរបួសមនុស្សជិត ៥០០នាក់នៅខេត្តជាំងស៊ូភាគខាងកើតនៃ ប្រទេសចិន ។
ភូមិ ជាច្រើនត្រូវបានបំផ្លាញ ហើយដើមឈើធំៗបានដួលរលំនៅពេលដែលខ្យល់ព្យុះល្បឿន១២៥គីឡូម៉ែត្រក្នុង មួយម៉ោងបានវាយប្រហារជុំវិញទីក្រុងយ៉ានចេងក្នុងខេត្តនេះ។
ភ្លៀង បានធ្លាក់ខ្លាំងនៅតំបន់ជាច្រើននៅប្រទេសចិននៅក្នុងសប្តាហ៍ នេះ។ ខ្យល់ព្យុះដោយនាំមកជាមួយភ្លៀងធ្លាក់ខ្លាំងបានបង្កការខូចខាតនៅ ទូទាំងប្រទេសនេះ៕
