ចេញក្រដាសប្រាក់ ២០០០រៀលថ្មីនៅថ្ងៃរម្លឹកខួបលើកទី៦០នៃបុណ្យឯករាជ្យ
ភ្នំពេញ៖ ធនាគារជាតិ នៃកម្ពុជាបានបោះពុម្ពក្រដាសប្រាក់ថ្មីប្រភេទ ២០០០រៀល ឲ្យចរាចរណ៍ជាសាធារណៈ នៅមុនមួយថ្ងៃខួបលើកទី៦០ នៃទិវា បុណ្យឯករាជ្យជាតិ ៩ វិច្ឆិកា ឆ្នាំ១៩៥៣-២០១៣
រដ្ឋមន្រ្តីក្រសួងព័ត៌មាន ឯកឧត្តម ខៀវ កាញារីទ្ធ បានបង្ហាញពីទ្រង់ទ្រាយ នៃក្រដាសប្រាក់ចេញថ្មីនេះ ហើយក៏មានការចាប់អារម្មណ៍ជាខ្លាំងពីអ្នកប្រើប្រាស់បណ្តាញសង្គម Facebook ឯកឧត្តម ខៀវ កាញារីទ្ធ បញ្ជាក់ថា ក្រដាសប្រាក់ចេញថ្មីនេះ នឹងដាក់ឲ្យប្រើប្រាស់នៅថ្ងៃស្អែកនេះតែម្តង ដែលជាថ្ងៃនៃការអបអររសារទរខួបលើកទី៦០ នៃទិវា បុណ្យឯករាជ្យជាតិ។
កាលពីឆ្នាំមុន ធនាគារជាតិ នៃកម្ពុជាក៏បានបោះពុម្ពដាក់ឲ្យចរាចរណ៍នូវក្រដាសប្រាក់ ១០០០ រៀលថ្មី ដើម្បីរំលឹកព្រះវិញ្ញាណក្ខន្ធរបស់សម្តេចឪ នរោត្តម សីហនុ៕ នាង/Cambodia News
