មនុស្ស ៥នាក់បាត់បង់ជីវិតអំឡុងការតវ៉ានៅតាមដងផ្លូវក្នុងប្រទេសកុងហ្គោ
សារព័ត៌មាន Cambodia News/
កុងហ្គោ (២២ មករា ២០១៨) ៖ បេសកកម្មរក្សាសន្តិសុខអង្គការសហប្រជាជាតិ នៅក្នុងប្រទេសកុងហ្គោបាននិយាយថា កងកម្លាំងសន្តិសុខកុងហ្គោបានបាញ់សម្លាប់មនុស្សយ៉ាងហោចណាស់ ៥នាក់ និងបាញ់ឧស្ម័នបង្ហូរទឹកភ្នែកបំបែកហ្វូងអ្នកតវ៉ា ដែលត្រូវហាមឃាត់ប្រឆាំងប្រធានាធិបតីលោក Joseph Kabila ដែលបាតុកម្មនេះត្រូវបានរៀបចំដោយក្រុមអ្នកនៅវិហាកាតូលិកកាលពីថ្ងៃអាទិត្យ។
សាក្សីភ្នាក់ងារព័ត៌មានរ៉យធឺរបានឃើញនគរបាល និងកងទ័ពប៉ារ៉ាបាញ់ផ្សែងបង្ហូរទឹកភ្នែក និងបាញ់កាំភ្លើងឡើងលើអាកាសកាលពីថ្ងៃអាទិត្យនៅខាងក្រៅវិហារ Notre Dame ក្នុងក្រុងគីនហ្សាសា។
លោក ហ្លូរែន ម៉ាសល អ្នកនាំពាក្យរបស់បេសកកម្មអង្គការសហប្រជាជាតិ ហៅកាត់ម៉ូនូសស្កូក៏បាននិយាយថា មនុស្ស ៣៣នាក់រងរបួស និង ៤៩នាក់ត្រូវបានចាប់ខ្លួន នៅកន្លែងផ្សែងៗគ្នាក្នុងប្រទេសនេះ។ ក៏ដូចជានៅទីក្រុងគីនហ្សាសាដែរ ការតវ៉ាជាច្រើនបានផ្ទុះឡើងនៅទីក្រុងអាជីវកម្មរ៉ែពេជ្រប៊ូជី-ម៉ាលី និងនៅទីក្រុងហ្គូម៉ានាភាគកណ្ដាលប្រទេសកុងហ្គោ៕
