និស្សិតបរទេសជាច្រើនសុខចិត្ដទៅរកស៊ីផ្លូវភេទដើម្បីយកលុយបង់ថ្លៃសាលា
ក្រុមអ្នករកស៊ីផ្លូវភេទនៅ ក្នុងប្រទេស នូវ៉ែលហ្សេឡង់កំពុងអំពាវ នាវឲ្យមានការកិច្ចការពារកាន់តែប្រសើរឡើងដល់និស្សិតអន្ដរជាតិ ដែលទៅធ្វើការនៅក្នុងឧស្សាហកម្មរកស៊ីផ្លូវភេទ។
តាម ច្បាប់និស្សិតបរទេសត្រូវគេហាមដាច់ខាតមិនឲ្យធ្វើការ ងារនៅក្នុងវិស័យរកស៊ីផ្លូវភេទ។ ប៉ុន្ដែអ្នកខ្លះ ដែលភាគច្រើនមកពីអាស៊ីបានសម្រេចចិត្ដធ្វើការបម្រើផ្លូវភេទ ដើម្បីរកលុយជួយបង់ថ្លៃការសិក្សារបស់ពួកគេ។
អ្នកស្រី Catherine Healy អ្នកសម្របសម្រួលថ្នាក់ជាតិនៃអង្គការ Prostitutes Collective ឬក្រុមអ្នករកស៊ីផ្លូវភេទបានប្រាប់ Radio Australia ថា ច្បាប់បច្ចុប្បន្នធ្វើឲ្យមានការកេងប្រវ័ញ្ចលើនិស្សិតបរទេស។
អ្នក ស្រី Catherine Healy បានលើកឡើងនូវករណីមួយដែលនិស្សិតបរទេសត្រូវប្រឈមមុខនឹងបញ្ហាការ សិក្សានៅពេលដែលម្ចាស់បនស្រីមួយកន្លែងបដិសេធមិនព្រមបង់លុយឲ្យ នាង។
អ្នកស្រីបានឲ្យដឹងថា នាងមិនអាចទៅរកជំនួយពីនរណាបាន។ នាងមិនអាចទៅរកប៉ូលិសឲ្យជួយបាន ហើយនាងក៏មិនអាចយករឿងនេះទៅពិភាក្សាជាមួយនឹងសាលារបស់នាងបាន ទៀត។ អ្នកស្រីថាតាមពិតទៅផលវិបាកនៃច្បាប់ដែលហាមមិនឲ្យនិស្សិតបម្រើ ការងារនៅក្នុងឧស្សាហកម្មផ្លូវភេទនេះ រួមចំណែកធ្វើឲ្យជនខិលខូចកេងប្រវ័ញ្ចដល់និស្សិតស្រីនៅក្នុង ករណីនេះ៕(Radio Australia)