ស្ត្រីម្នាក់ត្រូវចោរឆក់យកកាបូបស្ពាយមានជាង ២០០០ដុល្លារបានសម្រេច
Cambodia News
ភ្នំពេញ៖ កាលពីវេលាម៉ោង ២២ និង៣០នាទីយប់ ថ្ងៃទី១៨ ខែមេសា ជនសង្ស័យ២នាក់ ជិះម៉ូតូសេ១២៥ ពណ៌ខ្មៅ បានមកធ្វើសកម្មភាពឆក់យកកាបូបស្ពាយមានលុយជាង២០០០ដុល្លារ ពីស្ត្រីម្នាក់ដែលកំពុងជិះម៉ូតូឆាលី តាមបណ្ដោយផ្លូវសហព័ន្ធរុស្ស៊ី ត្រង់ចំណុចជិតប៉ុស្តិ៍បឹងកក់ទី១ ក្នុងខណ្ឌទួលគោក។
សាក្រីនៅកន្លែងកើតហេតុបានឲ្យដឹងថា មុនពេលកើតហេតុ ស្ត្រីរងគ្រោះបានជិះម៉ូតូមួយគ្រឿងម៉ាក ឆាលី តាមផ្លូវសហព័ន្ធរុស្ស៊ី ក្នុងទិសដៅពីកើតទៅលិច ខណៈមកដល់ចំណុចកើតហេតុ ស្រាប់តែមានជនសង្ស័យពីរនាក់ ស្លៀកពាក់ស៊ីវិល បានធ្វើសកម្មភាព ឆក់យកកាបូបស្ពាយដែលមានលុយជាង២០០០ដុល្លារ ពីស្ត្រីរងគ្រោះបានសម្រេច រួចជិះម៉ូតូគេចខ្លួនបាត់ ចំណែកស្ត្រីរងគ្រោះដួលម៉ូតូបោកទៅនឹងថ្នល់រងរបួស ត្រូវបញ្ជូនទៅសង្គ្រោះនៅមន្ទីរពេទ្យភ្លាមៗ។
ក្រោយពីកើតហេតុ សមត្ថកិច្ចបានត្រឹមចុះមកធ្វើកំណត់ហេតុទុកតែប៉ុណ្ណោះ ព្រោះជនសង្ស័យរត់គេចខ្លួនបាត់ ទើបសមត្ថកិច្ចមកដល់៕ ហេង នាង
