គ្រោះថ្នាក់ចរាចរណ៍ថ្ងៃទី១៥ខែវិច្ឆិកាស្លាប់៣នាក់របួស១៥នាក់
សារព័ត៌មាន Cambodia News
ភ្នំពេញ (១៦ វិច្ខិកា ២០១៧) ៖ តាមរបាយការណ៍ពីនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានបញ្ជាក់ឱ្យដឹងថាកាលពីថ្ងៃទី១៥ ខែវិច្ឆិកា ឆ្នាំ២០១៧ មានករណីគ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន៦លើក ។ក្នុងនោះបណ្ដាលឲ្យមនុស្សស្លាប់៣នាក់របួសធ្ងន់១១នាក់ និងរបួសស្រាល៤នាក់។
របាយការណ៍ដដែលបានបញ្ជាក់ឱ្យដឹងទៀតថានៅក្នុងហេតុការណ៍គ្រោះថ្នាក់ចរាចរណ៍ទាំង៦លើកនេះបណ្ដាលឲ្យខូតខាតម៉ូតូចំនួន៦គ្រឿង រថយន្តតូច២គ្រឿង-រថយន្ដធុនធំ១គ្រឿង-អ្នកថ្មើជើងម្នាក់និងយានយន្ដផ្សេងៗមួយគ្រឿង។មូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍ រួមមានល្មើសល្បឿន-មិនគោរពសិទ្ធិ-កត្តាផ្លូវ និងប្រជែង។
ចំពោះករណីគ្រោះថ្នាក់ចរាចរណ៍កើតឡើងរយៈពេល១៥ថ្ងៃ ខែវិច្ឆិកា ឆ្នាំ២០១៧នេះ មានចំនួន១៤១លើក បណ្ដាលឲ្យមនុស្សស្លាប់ចំនួន៧៨នាក់របួសធ្ងន់ចំនួន១៣៧នាក់ និងរបួសស្រាលចំនួន១២៣នាក់៕
