រញ្ជួយដីនៅអ៊ីតាលី ស្លាប់កើនដល់ ១៥៩នាក់ហើយ
សារព័ត៌មាន Cambodia news/
អ៊ីតាលី (២៥ សីហា ២០១៦) ៖ កាលពីថ្ងៃពុធម្សិលមិញ មានករណីរញ្ជួយដីនៅភាគកណ្តាលប្រទេសអ៊ីតាលី បណ្តាលឲ្យស្លាប់មនុស្សយ៉ាងតិច ១៥៩នាក់ ខណៈបណ្តាផ្ទះនៅតំបន់ភ្នំត្រូវបានបំផ្លិចបំផ្លាញទាំងស្រុង។
ក្រៅពីនេះ នៅមានមនុស្ស៣៦៨នាក់ផ្សេងទៀត រងរបួសធ្ងន់ស្រាល បាត់ខ្លួនគេជឿថានៅក្រោមគំនរថ្មមួយចំនួនទៀត។
នាយករដ្ឋមន្ត្រីអ៊ីតាលី លោក Mattaeo Renzi បានអញ្ជើញទៅដល់កន្លែងកើតហេតុ ពោលគឺនៅភូមិ Amatrice ដែលរងគ្រោះខ្លាំងបំផុត។
មនុស្ស រាប់រយនាក់កំពុងស្នាក់នៅក្នុងតង់ ដែលអាចប្រឈមនឹងការរជញ្ជួយជាថ្មី ដែលធ្វើឲ្យពួកគេមិនហានត្រលប់ទៅកាន់ផ្ទះសំបែងវិញ។ តំបន់ដែលរងការវាយប្រហារនេះ នៅក្បែរនឹងក្រុង L’Aquila ត្រង់កន្លែងដែលមនុស្សប្រមាណ៣០០នាក់បានស្លាប់អំឡុងការរញ្ជួយដី កាលពីឆ្នាំ២០០៩ ៕
